اسلام آباد ۔ 28 جنوری (اے پی پی) قومی احتساب بیورو (نیب) دے چیئرمین جسٹس (ر) جاوید اقبال دے علم اچ اے گال آئی اے جو کجھ لوک مختلف بنکاں دی اے ٹی ایم مشیناں تے اے ٹی ایم کارڈ بلاک کرتے انہاں کوں فعال کرنڑ کیتے نقلی نمبراں تے نہ صرف رابطہ کرنڑ دا اکھیندن بلکہ کسٹمر کوں ڈرویندن جو وختی نیب تے بئے ادارے تساں نال رابطہ کریسن ۔چیئرمین نیب مذکورہ فراڈ دا نوٹس گھندے ہوئیں معاملے دی انکوائری دا حکم ڈتے تاں جو نیب کوں بحیثیت ادارہ بدنام کرنڑ آلیں کوں گرفتار کرتے انہاں دے خلاف قانون دے مطابق کاروائی عمل اچ گھن آئی ونجے ۔چیئرمین نیب دی ہدایت تے نیب ہنڑ تئیں 9نیب دے نقلی افسراں کوں گرفتار کرتے قانون دے مطابق پولیس دے حوالے کیتے تے انہاں دے خلاف قانونی کاروائی کیتی ویندی پئی اے ،نیب عوام کوں انہاں دے بہترین مفاد اچ ہک واری ول ڈسیندے جو اگر نیب دا کوئی نقلی افسر بنڑ تے کہیں کوں ٹیلی فون تے رابطہ کریندے تاں ایندی اطلاع ترجمان نیب کوں ڈتی ونجے ۔
چیئرمین نیب دا نیب کوں بحیثیت ادارہ بدنام کرنڑ آلیں کوں گرفتار کرتے قانون دے مطابق کاروائی کرنڑ دی ہدایت
مضمون کا ماخذ : نتیجہ میگا سینا
متعلقہ مضامین
