اسلام آباد۔9اکتوبر (اے پی پی): صدر مملکت ڈاکٹر عارف علوی دی اہلیہ بیگم ثمینہ علوی آکھیا جو چھاتی دے سرطان دی ویلھے تے تشخیص نہ ہوونڑ پاروں پاکستان اچ ہر سال تقریباً 40ہزار تریمتیں جاں بحق تھی ویندن۔اے گالھیں انہاں جمعے کوں بریسٹ کینسر آگاہی مہم بارے پاکستان ایئر فورس ہسپتال اچ تھیونڑ آلی تقریب نال خطاب کریندیں ہوئیں آکھی۔انہاں آکھیا جو چھاتی دے سرطان دی ویلھے تے تشخیص نہ ہوونڑ پاروں پاکستان اچ ہر سال تقریباً 40ہزار تریمتیں جاں بحق تھی ویندن۔انہاں آکھیا جو میڈیا ایں مرض بارے آگاہی ڈیونڑ اچ اہم کردار ادا کریندا پئے ،تریمتیں سینے یا اوندے پاسوں کہیں وی تبدیلی محسوس کرن تاں ڈاکٹر نال رابطہ کرن۔انہاں آکھیا جو پسماندہ علاقیاںا چ علاج دے وسائل نہ ہوونڑ پاروں تریمتیں کوں بہوں اوکھ تھیندی اے۔انہاں علاقیاں اچ غریب تریمتیں کوں مفت اتے نیڑے دی جاہ تے علاج کرنڑ سانگے کم کرنڑ دی لوڑھ اے۔انہاں آکھیا جو خصوصی بندیاں دی بحالی سانگے وی کوششاں کیتی ویندیاں پئن۔
چھاتی دے سرطان دی ویلھے تے تشخیص نہ ہوونڑ پاروں پاکستان اچ ہر سال تقریباً 40ہزار تریمتیں جاں بحق تھی ویندن، بیگم ثمینہ علوی دا تقریب نال خطاب
مضمون کا ماخذ : لاٹری ایپلی کیشنز کے فوائد
متعلقہ مضامین
