اسلام آباد ۔ 13 اگست (اے پی پی) وزیر خارجہ مخدوم شاہ محمود قریشی آکھیے جو بھارتی شہر بنگلور اچ توہین رسالت دے واقعے مسلماناں دے جذبات کوں مجروح کیتے، عالمی تنظیماں نوٹس گھنن ، بی جے پی حکومت سیکیولر سٹیٹ کوں دفن کرڈتے تے ہنڑ بھارت اچ ہک ہندو اسٹیٹ جنم گھندی پئی اے ۔ بھارت دے شہر بنگلور اچ تھیونڑ آلے دل ہلا ڈیونڑ آلے واقعے دے حوالے نال خمیس کوں ہک بیان اچ وزیر خارجہ آکھیے جو توہین رسالت دے ایں واقعے مسلماناں دے جذبات کوں مجروح کیتے ، ایں ویڈیو کوں پوری امت مسلمہ کوں ڈیکھنڑاں چاہیدے ۔ انڈیا اچ اج مسلمان اقلیت محفوظ کائنی ۔ انہاں آکھیے جو مسیت کوں شہید کرتے مندر بنڑاونڑ قطعی طور تے درست کائنی ۔ جذبات وی مسلماناں دے مجروح کریندن تے شہادتاں وی مسلماناں دیاں تھیندن ۔ وزیرخارجہ شاہ محمود قریشی آکھیے جو ہیومین رائٹس واچ، ایمنیسٹی انٹرنیشنل اتے بیاں انسانی حقوق دیاں عالمی تنظیماں کوں ایندا نوٹس گھننڑاں چاہیدے ۔
بھارتی شہر بنگلور اچ توہین رسالت دے واقعے مسلماناں دے جذبات کوں مجروح کیتے ، واقعہ اچ گرفتاریاں اتے شہادتاں وی مسلماناں دیاں تھئن ، ہیومین رائٹس واچ، ایمنیسٹی انٹرنیشنل نوٹس گھنن، وزیر خارجہ شاہ محمود قریشی
مضمون کا ماخذ : میگا ملینز کا بونس
متعلقہ مضامین
