اسلام آباد۔12جولائی(اے پی پی) د توان وفاقي وزير خرم دستګير د پاكستان د داخلي چارو په اړه د اسرائيل د بيان په سختو ټكو كښې غندنه كولو سره وئيلي چې څو لسيزو څخه په فلسطيني اولس ظلم او زياتې كوؤنكې هېواد دې پاكستان ته د بشري حقونو درس نه وركوي ولې چې اسرائيل له به خپله نړۍ ته په فلسطيني اولس د ظلم او زياتي ځواب وركول وي۔ وفاقی وزیر د شورؤ په ورځ خبري كنفرنس ته خپل خطاب كښې ووئيل سوال دا پېدا كېږي چې دې څخه وړاندې داسې كوم بيان ولې رامخې ته نه شو۔ اوس ولې راغلو؟ د پاكستان په داخلي چارو يو داسې هېواد ټكونه كوي كوم چې مونږ په سفارتي توګه منلے هم نه دے او د دې سبب فلسطيني وروڼو خوېندو سره د يو والي څرګندونه كول دي۔ ده ووئيل په كال 2018 كښې چې كومه اسمبلۍ وټاكلې شوه په هغې كښې يو غږ پورته كړے شوے وو چې اسرائيل دې پاكستان قبول كړي او هغې ته دې ډپلومېټک ریکېګنېشن وركړي او دا غږ د هغې ګوند لخوا پورته كړې شوې وو كوم چې په 9 مئي د پاكستان په رياست بريد وكړو۔ دې پېښې سره پاك پوځ او ددې مشرتابه ولې بدنامولې شي۔ وفاقی وزیر ووئيل په حساسو ودانيو بريدونه وكړې شول دا ايجنډا د چا وه۔ مونږ له به په جدي توګه په دې غور كول وي۔ ده ووئيل پاكستان په معاشي توګه تباه كوؤنكي او نواز شريف لارې څخه اخوا كوؤنكي څوك وو٬ دا هغه خلق وو كومو چې په 5 اګست 2019 د كشمير سودا وكړه۔ نریندر مودی د 74 كالو تاريخ اپوټه كولو سره په كشمير خپله قبضه بشپړ كړه او د پاكستان لخوا يوازې دا ځواب راغلو چې هره جمعه دې د يوې نيمې دقيقې خاموشي اختيار كړې شي۔ اوس دا سوال هم رامخې ته كېږي چې د امريكائي كانګرېس غړي د 9 مئي پېښې څخه وروستو د پاكستان په چارو كښې لاس وهنه ولې كوي؟ ده ووئيل د 9 مئي پېښه كښې د ككړو وګړو په ضد به د قانون او عدالتونو دلارې كارروائي كېږي خو تر ټولو بهتره كارروائي به د پاكستان اولس كوي۔ خرم دستګير ووئيل ټاكنې زياتې لرې نه دي چې مسلم ليګ نواز او اولس به په ګډه په ټاكنو كښې تخريب كار ٬ رياست سره دښمني كوؤنكي او بهر هېوادونو ته د لاس وهنې بلنه وركوؤنكي مسترد كړي او پاكستان به د جمهوريت او امن په لاره روان كړي۔ ده ووئيل مونږ ګڼ شمېر چېلنجونو سره مخ يؤ ٬ مسلم لیګ نواز او اولس به په راتلونكو كلونو كښې د دې ټولو چېلنجونو مخنيوي له يو داسې مضبوط ټاكلې حكومت رامخې ته كړي كوم به چې د پاك پروردګار په امر د پاكستان دا مسئلې حل كړي ٬ اولس ته به سوكالي وركړي او د پاكستان بېرغ به خوددارۍ او غېرت سره په نړۍ كښې پورته كړي
په فلسطين ظلم او تشدد كوؤنكے هېواد دې پاكستان ته د بشري حقونو درس نه وركوي ٬ اسرائيل له به نړۍ ته په فلسطيني وګړو د ظلم او جبر ځواب وركول وي ٬ د توان وفاقي وزير خرم دستګير
مضمون کا ماخذ : ٹکٹ خریدنے کے حوالے سے الفاظ
متعلقہ مضامین
