اسلام آباد ۔ 13 اپریل (اے پی پی) صدر مملکت ڈاکٹر عارف علوی کورونا وائرس دے چیلنج نال نبڑنڑ دے سلسلے اچ تعاون تے تجویز دے حصول کیتے سارے صوبیں دے گورنر تے آزاد جموں کشمیر دے صدر نال مشاورتی ویڈیو کانفرنس دا انعقاد کیتا ۔سارے صوبائی گورنرز ایں موقع تے آپنڑیاں صلاحیں ڈتیاں تے صدر مملکت کوں کورونا دی وبا نال پیدا تھیونڑ آلی صورت حال بارے بریفنگ ڈتی ۔انہاں کورونا وائرس روکنڑ کیتے حکومت ولوں چاتے گئے اقدامات دی تعریف کیتی ۔ صوبائی گورنرز اتے صدر آزاد جموں و کشمیر وفاقی حکومت ولوں صوبیں کوں طبی سامان دی فراہمی ، احساس پروگرام دے تحت مالی معاونت دی فراہمی سمیت ملک اچ تعاون دی موجودہ صورتحال تے اطمینان دا اظہار کیتا۔ اینویں انہاں وبا روکنڑ دے حوالے نال حکومتی ہدایات تے عملدرآمد دے سلسلے اچ علما کرام تے عوام دے تعاون دی وی تعریف کیتی ۔ایں موقع تے صدر مملکت صوبائی گورنرز اتے صدر آزاد جموں و کشمیر تے زور ڈتا جو او وفاق اتے ایندیاں ساریاں اکائیاں وچال ہم آہنگی کوں مزید ودھاون تاں جو کورونا دی وبا تے موثر طریقے نال قابو پاتا ونج سگدے ۔ کانفرنس اچ ہک متفقہ قرارداد وی منظور کیتی گی جیں اچ بھارتی سیکیورٹی فورسز ولوں لائن آف کنٹرول تے بلا اشتعال گولہ باری اتے مقبوضہ کشمیر اچ گزریل 8مہینے توں جاری لاک ڈاﺅن کوں مزید طول ڈیندے ہوئیں محصور مسلماناں کوں طبی سہولتاں تئیں رسائی نہ ڈیونڑ دی مذمت کیتی گئی ۔
صدر مملکت ڈاکٹر عارف علوی دا کورونا وائرس دے چیلنج نال نبڑنڑ کیتے سارے صوبیں دے گورنرز اتے آزاد جموں و کشمیر دے صدر نال مشاورتی ویڈیو کانفرنس دا انعقاد
مضمون کا ماخذ : سندھ لاٹری
متعلقہ مضامین
