اسلام آباد ۔ 25 جنوری (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو نجی ٹی وی دے کیمرا مین فیاض علی دی فوتگی تے بہوں افسوس تھئے، وزیر اعظم دی ہدایت تے اوندے ٹبر کوں پرچاونڑآئی ہاں،اینجھے واقعات توں بچنر کیتے ساریاں صحافتی تنظیماں نال بیھ تے مستقل حکمت عملی بنڑیسوں۔اے گالھ معاون خصوصی اطلاعات و نشریات ڈاکٹر فردوس عاشق اعوان نجی ٹی وی چینل دے کیمرا مین فیاض دے ٹبر کوں پرچاونڑی دے بعد میڈیا نال گالھ مہاڑ کریندے آکھی۔ انہاں آکھیا جو اساں مرحوم دے ٹبر دے غم اچ افسوس کریندے ہیں،میڈیا اینجھا طبقہ اے جیڑھا ہر کہیں دی خبر گیری کریندے بھل اوندی خبر گیری اویں نئین کیتی ویندی جیویں حق بنڑدے، فرائض دی ادائیگی دا معاوضہ مرنڑ دے بعد ملنڑ بہوں افسوس اتے سوچنڑ دی گالھ اے،جیڑھے اوکھے حالات اچ فیاض فرائض انجام ڈیندا پیا ہا اوکوں خراج تحسین پیش کریندے ہیں۔ انہاںا ٓکھیا جو ساکوںمسائل کوں وقتی مصلحتاں دی بجائے طویل المدتی پیرائے اچ ڈیکھنڑا ہوسی تاں جو اینجھے دلخراش واقعات نہ تھیون جیڑھے معاشرے کوں ہلا تے رکھ ڈیندن،سنوار کوں ایں معاملے تے ساریاں صحافتی تنظیماں میڈیا ورکرز اتے فریقین نال مل بیھ تے مستقل لائحہ عمل بنڑیسوں تاں جو اینجھےو اقعات نہ تھیون،میڈیا دے مسائل دے حل اتے صحافیاں دی بھلائی کیتے کم کیتا ونج سگے۔انہاں مرحوم دے ٹبر کیتے ڈاہ لکھ روپے مالی اعانت دا وی اعلان کیتااتے مرحوم دے بھرا کوں وزارت اطلاعات اچ ملازمت ڈیونڑ دی وی خوشخبری ڈتی تاں جو اواپنڑے ٹبر دی کفالت کر سگے۔انہاں آکھیا جو مرحوم دے ٹبر کوں مستقل چھت ڈیونڑ کیتے میڈیا ہاﺅس دے گانڈھے نال حکومت ولوں وزیر اعظم دے بے گھر خانداناں کوں چھت ڈیونڑ دے پروگرام دے تحت گھر وی ڈتا ویسی،اتے اوندی بیمار ماءکوں بی آئی ایس پی دے مالی مدد ڈتی ویسی۔انہاں آکھیا جو میڈیا تنظیماں اتے مالکان نال مل تے تنخواہاں دامسلہ حل کریسوں۔
نجی ٹی وی دے کیمرا مین فیاض علی دی فوتگی تے بہوں افسوس تھئے، اینجھے واقعات توں بچنڑ کیتے ساریاں صحافتی تنظیماں نال بیھ تے مستقل حکمت عملی بنڑیسوں،ڈاکٹر فردوس عاشق اعوان
مضمون کا ماخذ : لوٹومینیا کے نتیجے میں پچھلے حصے
متعلقہ مضامین
