اسلام آباد ۔ 7 جنوری (اے پی پی) معاون خصوصی برائے اطلاعات و نشریات ڈاکٹرفردوس عاشق اعوان آکھیے جو وزیراعظم عمران خان عوام دی مشکلات گھٹ کرنڑ کیتے 7ارب روپے دا ریلیف پیکیج منظور کیتے ۔ منگل کوں ڈاکٹر فردوس عاشق اعوان پریس کانفرنس نال خطاب کریندے ہوئیں آکھیا جو کھنڈ ، اٹا ، گھیو تے چاول تے ست ارب روپے دا ریلیف پیکیج ڈتے ،وزیراعظم عمران خان دا عہد اے جو جیویں ہی معیشت تکڑی تھیسی ایندے ثمرات عوام تئیں پجسن تے ریاست مدینہ دی سوچ ایں عمل دی عکاس اے ۔انہاں آکھیے جو نادار تے غریب طبقے دی زندگی اچ خوشحالی وزیراعظم دی ترجیح اے ہر مہینے ہک ارب دا ریلیف پیکج ڈتا ویسی ۔انہاں آکھیے جو ڈو لکھ ٹن کنڑنک پاسکو توں سستی گھدی گئی اے ، اٹا ،گھیو دال، چاول دیاں قیمتاں اچ استحکام گھن آیا گے ، بہوں وختی راشن کارڈ وی متعارف کرویندے پیوں ۔ چیئرمین یوٹیلی سٹور کارپوریشن دے مطابق آندے ڈینھاں اچ چنگیاں خبراں سنڑنڑ کوں ملسن ، پورے ملک اچ سٹورز دی تعداد چار ہزار توں ودھا تے 10ہزار کرنڑ دا ہدف اے ، وزیراعظم عمران خان ایں گال تے زور ڈتے جو غریب بندہ متاثر نہ تھیوے ، ہر مہینے ہک ارب دا ریلیف پیکیج ڈتا ویسی ۔واضح رہے جو گزریل ڈینھ وزیراعظم عمران خان تقریب نال خطاب کریندے ہوئیں آکھیا ہئی جو نویں سال 2020اچ عوام کوں خوشخبریاں سنڑنڑ کوں ملسن ۔
وزیر اعظم عمران خان دی طرفوں عوام کیتے یوٹیلیٹی سٹور دے ذریعے7ارب روپے دا ریلیف پیکیج ،وزیر اعظم یوٹیلیٹی سٹور کارپوریشن دے ذریعے عوام کوں ،کھنڈ ،اٹا ،گھیو تے چاول تے 7ارب دا ریلیف پیکیج ڈتے ،ڈاکٹر فردوس عاشق اعوان
مضمون کا ماخذ : گولڈ رش
متعلقہ مضامین
