کوئٹہ۔ 09 نومبر(اے پی پی) کوئٹہ دے ریلوے اسٹیشن تے دھماکے دے نتیجے اچ تریمت سودھے 22 بندے جاں بحق اتے 40 توں ودھ زخمی تھی ڳئن ۔پولیس موجب دھماکہ ہفتے دی سویل جعفر ایکسپ??یس دے گزرݨ ویلھے ریلوے اسٹیشن دے اندر پلیٹ ف??رم اچ تھئے ،دھماکے ویلھے مسافر ریلوے اسٹیشن اچ جعفر ایکسپ??یس توں پشاور ونڄݨ دی تیاری اچ مصروف ہن ۔ریلوے حکام موجب دھماکہ ریلوے اسٹیشن تے ٹکٹ گھر دے نیڑے تھئے جݙاں جو ریل گاݙی حالی پلیٹ ف??رم تے کائناں لڳی ہئی ۔پولیس سرجن ڈاکٹر عائشہ فیض جاں بحق لوکاں دی تعداد دی تصدیق کریندے آکھیے کوئٹہ دھماکے دے 22 بحق لوک ہسپتال گھن آئے ڳئں ۔ترجمان سول ہسپتال کوئٹہ ڈاکٹر وسیم بیگ ݙسائے جو 40 توں ودھ زخمی ہسپتال گھن آئے ڳئن جنہاں اچ کئی دی حالت تشویشناک اے۔ایس ایس پی آپریشنز کوئٹہ محمد بلوچ دے موجب ابتد??ئی طور تے دھماکہ خودکش لڳدا پئے ، انھاں ݙسائے دھماکہ اوں ویلھے تھئے جݙاں مسافراں دی وݙی تعداد پلیٹ ف??رم تے موجود ہئی ۔دھماکے دے بعد صوب??ئی وزیر صحت بخت محمد کاکڑ کوئٹہ دے ہسپتالاں اچ ایمرجنسی نافذ کرݙتی اے۔
