لاہور۔18مارچ(اے پی پی ) نویں نامزد چیف جسٹس لاہور ہائیکورٹ مسٹر جسٹس قاسم خان اج خمیس کوں سویلے 9وجے گورنر ہاوس لاہور اچ عدالت عالیہ دے 50 ویں چیف جسٹس دی حیثیت نال اپنڑے عہدے دا حلف چیسن ۔گورنر پنجاب چوہدری محمد سرور انہاں توں حلف گھنسن ۔ جسٹس قاسم خان چیف جسٹس لاہور ہائیکورٹ مامون رشید شیخ دی بدھ کوں ریٹائرمنٹ دے نتیجے اچ چیف جسٹس لاہور ہائیکورٹ دا منصب سنبھال گھنسن ۔گورنر ہاوس اچ حلف برداری دے بعد جسٹس قاسم خان کوں بحیثیت چیف جسٹس لاہور ہائیکورٹ آونڑ تے گارڈ آف آنر پیش کیتا ویسی،جیں دے بعد ججز لاونج اچ عدالت عالیہ دے ججز نال مختصر رسمی ملاقات دے بعد اپنڑے عدالتی کم شروع کر ڈیسن ۔ جسٹس قاسم خان 19 فروری 2010ءکوں لاہور ہائیکورٹ دے ایڈیشنل جج تعینات تھئے ،او 5 جولائی 2021ءتئیں عدالت عالیہ اچ اپنڑے عہدے تے فائز رہسن۔
مضمون کا ماخذ : اسٹریٹیجیا لاٹوفاسیل
