اسلام آباد ۔ 2 مارچ (اے پی پی) وزیراعظم عمران خان آکھیا جو اساڈا ساریاں توں وڈا اثاثہ نینگر ہن،نینگر آبادی دا فائدہ اوں ویلھے تھیسی جڈاں اساں انہاں کوں تعلیم اتے ہنر ڈیسوں،مدینہ دی ریاست اساڈے سانگے رول ماڈل اے،معاشرے دے کمزور طبقے کوں اگوں گھن تے آونڑ اساڈی پہلی ترجیح اے،غریب اتے مستحق طلباءتے طالبات کوں وظیفے ڈیونڑ ریاست مدینہ دے ماڈل دا تسلسل اے،احساس دے تحت ساری سکیماں میرٹ اتے شفافیت تے اگوں ودھدیاں پئن،احساس انڈر گریجویٹ سکالرشپ پروگرام نال پاکستان دا بہترین ٹیلنٹ سامنڑے امسی،ہیلتھ کارڈ نال ہنڑ غریباں کوں بیماری دی صورت اچ تحفظ ڈتا گئے ،ملک اچ ہنڑ تئیں 170پناہ گاہواں بنڑ گئن،عام بندے کوں انصاف ڈیونڑ اساڈی پہلی ترجیح اے،غریباں سانگے قانونی امداد دا پروگرام وی شروع کریندے پیوں۔سنوار کوں اتھاں اے گالھیں انہاں ا احساس انڈر گریجویٹ سکالر شپ پروگرام دی افتتاحی تقریب نال خطاب کریندیں ہوئیں آکھی۔وزیراعظم سکالرشپ پروگرام شروع کرنڑ تے ڈاکٹر ثانیہ نشتر کوں مبارک ڈتی اتے آکھیا جو طلباءتے طالبات کوں وظیفے ڈیونڑ دا اے ہنڑ تئیں دا ساریاں توں وڈا پروگرام اے جئیں نال انہاں کوں دلی خوشی تھئی اے۔انہاں آکھیا جو پیغمبر اسلام مدینہ دی ریاست دے شکل اچ اساکوں اے تعلیم ڈتی جو معاشرے دے کمزور طبقے دا خیال رکھنڑ ریاست دی ذمہ واری اے ۔
وزیراعظم عمران خان دا احساس انڈر گریجویٹ سکالر شپ پروگرام دی افتتاحی تقریب نال خطاب
مضمون کا ماخذ : فا فا فا ۔
متعلقہ مضامین
