اسلام آباد ۔ 19 مئی (اے پی پی) نیشنل کمانڈ اینڈ آپریشن سینٹر موجب ملک اچ کرونا دے ایکٹو کیسز دی تعداد 30 ہزار 538، تصدیق شدہ کیسز دی تعداد 43 ہزار 966 تئیں پج گئی اے اتے پچھلے 24 گھنٹے اچ کرونا دے 1841نویں کیس رپورٹ تھین جڈاں جو بیاں 36 اموات نال مجموعی اموات دی تعداد 939تھی گئی اے۔پنجاب اچ کرونا کیسز دی تعداد 15 ہزار 976،سندھ اچ 17 ہزار 241 ،خیبرپختونخوااچ 6 ہزار 230، اسلام آباداچ 1034، بلوچستان اچ 2820، گلگت بلتستان اچ550 جڈاں جو آزاد کشمیر اچ 115تھی گئی اے۔ملک اچ ہنڑ تئیں 12 ہزار 489 مریض مکمل صحت یاب تھین جڈاں جو مرنڑ آلیاں اچ سندھ توں 280، پنجاب 273، کے پی کے 334، گلگت بلتستان 4، اسلام آباد 9اتے بلوچستان اچ 38اموات شامل ہین۔ڈسایا گئے جوایں ویلھے تئیں ملک دے مختلف ہسپتالاں اچ 342 کورونا متاثرین دی حالت تشویشناک اے۔
مضمون کا ماخذ : جڑواں اسپن
