اسلام آباد ۔ 15 جنوری (اے پی پی) چیف ایگزیکٹوآفیسر وچیئرمین پاکستان انٹر نیشنل ائیر لائن(پی آئی اے )ائیر مارشل ارشد محمود ملک آکھیے جو پی آئی اے ایں سال مارچ اچ 5سالہ سٹریٹجک بزنس پلان حکومت کوں بھجویسی،پلان اچ ایوی ایشن پالیسی ،آمدن ودھاونڑ ،مکمل فلیٹ دی مقامی طور تے مرحلہ وار اپ گریڈیشن،رائٹ سائزنگ ،منافع بخش روٹس تے سروس شروع کرنڑ شامل اے،شارٹ ٹرم پلان اچ حج آپریشن 2019ترجیح ہوسی،پی آئی اے سٹاف دی ملکیت منیندے ہوئے سیفٹی د ا انٹرنیشنل آڈٹ کرایا ویسی،پہلے ترائے مہینے اچ خسارے آلے 7روٹس بند اتے 7نویں شروع تھیندے پین،431ارب دے واجبات، 247ارب قرض ،144ارب اداریاں کوں ڈیوڑن ،پی ایس او بقایا جات نہ ملنڑ تے تیل نئیں ڈیندا،من پسند ائیر لائناں کوں نوازنڑکیتے اوپن سکائی پالیسی پاروں نقصان تھئے،کہیں ملازم کوں نہ کڈھیسوں بھل ،عدالت عظمی دے حکم دے مطابق جعلی ڈگری ،گھوسٹ ملازمین ، صفر کارکردگی آلے ملازمین دی پی آئی اے اچ کوئی جاہ کائنی۔ اے گالھ انہاں وفاقی وزیر ہوا بازی میاں محمد سومرو ،وزیراعظم دے معاون خصوصی افتخار درانی،سیکرٹری ہوا بازی ڈویژن شاہ رخ نصرت دے رلے ہمراہ پی آئی ڈی اچ میڈیا کوں بریفنگ ڈیندے آکھی۔انہاں آکھیے جو عہدہ سنبھالنڑ دے ترائے مہینے اچ پی آئی اے اچ یونین ، کرپشن مافیا ، ملازمین دے بوجھ،گھوسٹ ملازمین اتے سسٹم دی درستگی کیتے کم کیتے،پہلی واری اساں ٹاﺅن شپ جیہڑی کئی ڈھاکیاں توں یونین دے ہتھیں ہئی دے نیڑے تجاوزات مکائین،480لیگل کیسز نمٹاونڑ دا کم شروع کیتے، پی آئی اے پروازاں دی نائیٹ لینڈنگ ولا شروع کرنڑ داکم پورا کر گھدے۔ہنڑ تئیں 200گھوسٹ ملازمین فارغ تھین ،388ملازمین جعلی ڈگریاں تے کارروائی ہیٹھ آئن،73کیبن کرو اتے 7پائلٹس جعلی ڈگری تے فارغ کیتے گین ۔انہاں ڈسائے جو پی آئی اے دی تاشقند، تہران ،دہلی ،ممبئی ،نیویارک ،کوپن ہیگن ، ایمسٹرڈیم اچ 23جائیداداں ہین بھل ایندے باوجود اتھاں پی آئی اے کرائے تے جائیدادیں رکھیاں ہوئن، ہنڑ انہاں جائیداداں کوں متعلقہ سفارتخاناں دے ذریعے مستقل آمدن دا ذریعہ بنڑائیاں ویسن۔ ائیر مارشل ارشد محمود ملک آکھیا جو آڈیٹر جنرل دی رپوٹ سپریم کورٹ اچ جمع کراڈتی اے جیندے اچ اختیارات دے ناجائز استعمال، کرپشن اتے بئے سارے عوامل دی تفصیل پیش کیتی گئی اے جیندے تے عدالت عظمی دے حکم دے مطابق کارروائی تھیسی ۔
پی آئی اے ایں سال مارچ اچ 5سالہ سٹریٹجک بزنس پلان حکومت کوں بھجویسی،سی ای او پی آئی اے ائیر مارشل ارشد محمود ملک
مضمون کا ماخذ : ولف گولڈ
متعلقہ مضامین
