اسلام آباد ۔ 22 مارچ (اے پی پی) سپیکر قومی اسمبلی اسد قیصر اپوزیشن لیڈر شہباز شریف نال ٹیلی فون تے ملک اچ کورونا وائرس دے حملے اتے ایندے پیش نظر معاشی چیلینجز تے گال مہاڑ کیتی اے ۔ سپیکر قومی اسمبلی قائد حزب اختلاف توں کورونا وائرس تے پارلیمانی کمیٹی اتے مشترکہ پارلیمانی کمیٹی دے قیام تے وی مشاورت کیتی گی ۔ قومی اسمبلی سیکرٹریٹ توں جاری بیان دے موجب اسد قیصر آکھیے جو کمیٹی حکومت دے اقدامات تے نظر رکھیسی تے آپنڑیاں تجویزاں ڈیسی۔ انہاں ملک کیتے رل تے وائرس دے خلاف لڑنڑ دے عزم دا اعادہ کریندے ہوئیں آکھیے جو اساڈی سیاسی قیادت ہمیشہ قومی ایشو تے ہک مٹھ رہی اے ۔ انہاں مزید آکھیا جو سیاسی قیادت دا ہک مٹھ تھیونڑ ویلھے دی ضرورت اے ۔ سپیکر قومی اسمبلی آکھیے جو اساکوں اپنڑی کوں جرات تے بہادری دا پیغام ڈیونڑاں اے۔ اسد قیصر مزید آکھیا جو کرونا وائرس توں ڈرنڑاں کائنی ایندے نال لڑناں اے ۔ ملک اوکھے ویلھے توں گزردا پئے ۔ اپوزیشن لیڈر شہباز شریف اوکھے ویلھے اچ سیاسی قیادت کوں ہک مٹھ کرنڑ تے سپیکر قومی اسمبلی اسد قیصر دیاں کوششاںدی تعریف کیتی ۔
سپیکر قومی اسمبلی اسد قیصردا اپوزیشن لیڈر شہباز شریف کوں ٹیلی فون، ملک اچ کورونا وائرس پاروں معاشی چیلینجز تے گال مہاڑ
مضمون کا ماخذ : پھل اور سات
متعلقہ مضامین
