اسلام آباد۔یکم اکتوبر (اے پی پی)وزیراعظم عمران خان آکھیے جو میں ہک مشن گھن تے سیاست اچ آیاں،نوازشریف بہوں خطرناک کھیڈ کھیڈدے پین،بھارت نوازشریف دا ہتھ ونڈیندا پئے،جیکر اساں اپوزیشن دی بلیک میلنگ اچ آگئے تاں قوم معاف کریسی نہ ہی تاریخ،جیکر اپوزیشن استعفے ڈتے تاں ولا الیکشن کرا ڈیسوں،عدلیہ یا نیب تے سادا کوئی اختیار نئیں،فوج ہک آئینی ادارہ اے،وزیراعظم دا اختیاراے جو او جو چاہوے اپنڑے اداریاں توں کم گھنے،آرمی چیف سیاسی ملاقاتاں پچھ تے کیتاں ہن۔اے گالھ انہاں ہک نجی ٹی وی چینل کوں ڈتے گئے انٹرویواچ آکھی۔ وزیراعظم آکھیا جونوازشریف ملک دے خلاف سازش اتے وڈی گیم کھیڈدے پین، ایہو کم بانی متحدہ کیتا ہئی،میں کھل تے آہداں جو بھارت نوازشریف دی مدد کریندا پئے،بھارت اچ کڈاھیں اینجھی پاکستان مخالف حکومت نئیںا ٓئی جیڑھی مودی دی اے اتے اے ہکو کجھ ہین۔وزیراعظم آکھیاجوفوج ملک دا اثاثہ اے،فوج جمہوریت اتے حکومت دیاں پالیسیاں دے نال کھڑی اے،فوج دا کم حکومت چلاونڑ نئیں،میکوں جیڑھے وی ادارے دی مدد ہوسی،میں گھنساں،اج سول اتے ملٹری تعلقات تاریخ دی بہترین سطح تے ہین جیندی ملک دشمناں کوں تکلیف اے،اساں فوج دی وجہ توں ہی بچیے ہوئے ہیں بھل اے اپنڑی ہی فوج دے خلاف کمپین چلا تے کیا ثابت کریندے پین۔وزیراعظم عمران خان آکھیے جو سینیٹ انتخابات اچ کامیابی نال قانون سازی اچ سوکھ ملسی،اپوزیشن اچ اخلاقی جرات کائنی تہوں حکومت اتے ملکی اداریاں تے تنقید کریندن،انہاں توں ناجائز مال دا ھساب پچھو تاں پہلے اے ایکوں انتقامی سیاست آہدن، چور دروازے لبھیندن، کجھ وی نہ بنڑے تاں ول اداریاں کوں نشانہ بنڑیندن،میدے تے سوال کیتن تاں میں عدلیہ اچ ثبوت ڈتن،عاصم باجوہ وی الزامات دا ولدا ڈتے،جیکر اے سچے ہین تاں عدالت دا سامنڑا کرن۔
مشن گھن تے سیاست اچ آیاں،نوازشریف دے پچھو بھارت دا ہتھ اے،فوج جمہوریت اتے حکومت دیاں پالیسیاں دے نال کھڑی اے،وزیراعظم جیویں چاوے کم گھنے،وزیراعظم عمران خان دا نجی ٹی وی کوں انٹرویو
مضمون کا ماخذ : اولمپس کے خدا
متعلقہ مضامین
