وزیراعظم عمران خان کورونا دی صورتحال دے حوالے نال اجلاس نال خطاب

ترقی یافتہ ملکاں وانگوں لاک ڈاون نی کرسگدے ، ہک پاسے کورونا تے ڈوجھے پاسے ایندے معاشی اثرات ہن ،اساں ڈوہیں نال نبڑنڑاں اے ،پاکستان ڈھائی کروڑ ایجھے لوکاں دا روزگار متاثر تھئے جیرھے ڈیہاڑی دار یا ہفتے دی آمدن تے گزارہ کریدن ، سنوار توں رجسٹرڈ بیروزگاراں کوں وی میڈے فنڈ توں نقد رقم ملنڑ شروع تھی ویسی
اسلام آباد ۔ 15 مئی (اے پی پی) وزیراعظم عمران خان آکھیے جو ترقی یافتہ ملکاں وانگوں لاک ڈاون نی کرسگدے ، ہک پاسے کورونا تے ڈوجھے پاسے ایندے معاشی اثرات ہن ،اساں ڈوہیں نال نبڑنڑاں اے ،پاکستان ڈھائی کروڑ ایجھے لوکاں دا روزگار متاثر تھئے جیرھے ڈیہاڑی دار یا ہفتے دی آمدن تے گزارہ کریدن ، سنوار توں رجسٹرڈ بیروزگاراں کوں وی میڈے فنڈ توں نقد رقم ملنڑ شروع تھی ویسی ، مستحقین کوں 12ہزار دی امداد پہلے ہی ڈتی ویندی پئی اے ، صوبے ٹرانسپورٹ کھول ڈیون کیوںجو ایندے نال غریب لوک متاثر تھیندن ، حالات کنٹرول اچ ہنڑ لیکن کورونا کیس ودھنڑ دا ڈر اے ۔اے گال انہاں جمعے کوں کورونا دی صورتحال دے حوالے نال اجلاس نال خطاب کریندے ہوئیں آکھی اے ۔ایں موقع تے وفاقی وزیر اسد عمر، وفاقی وزیر حماد اظہر، وفاقی وزیر اطلاعات و نشریات شبلی فراز، معاون خصوصی برائے صحت ڈاکٹر ظفر مرزا، معاون خصوصی برائے سماجی تحفظ ڈاکٹر ثانیہ نشتر، ڈاکٹر فیصل اتے بئے موجود ہن ۔ وزیراعظم عمران خان آکھیے جو حکومت کوں پورا اھساس اے جو طبی شعبے نال وابستہ کارکناں، ڈاکٹرز اتے ماہرین تے ایں ویلھے دباﺅ اے تے موجودہ صورت حال اچ انہاں تے باری ذمے واری اے ۔ او جہاد کریندے پئن ، پوری دنیا ایں ویلھے کورونا دے خلاف نبڑدی پئی اے ۔حالی تئیںکورونا وائرس دی ویکسین تیار نی تھی سگدی تے ایں سال تئیں ویکسین تیار تھیونڑ دا امکان کائنی ایں کیتے بظاہر اے وائرس حالی ختم تھیونڑ آلا کائنی ۔ وزیراعظم آکھیا جو لاک ڈاﺅن دا اے فائدہ اے جو ایندی وجہ توں وائرس تکھے کائنی کھنڈا ۔ وزیراعظم آکھیے جو چین، جنوبی کوریا اتے جرمنی جیہے ملکاں اچ لاک ڈاﺅن ختم تھیا تاں کورونا دی ڈوجھی لہر آگی اے ولا کھنڈنڑ لگ پئے ۔ جڈاں کتھائیں وی لوک جمع تھیسن تاں اے وائرس تکھے کھنڈسی لیکن اساڈے سامنڑے مسئلہ اے کڈاں تئیں لاک ڈاﺅن کرسگدوں ۔ وزیراعظم آکھیے جو امریکہ ایں صورتحال اچ ڈو ہزار ڈو سو ارب ڈالر، جرمنی ہک ہزار ارب یورو، جاپان ہک ہزار ارب ڈالر دا پیکج ڈتے لیکن پاکستان 8 ارب ڈالر دے پیکج دکا اعلان کیتے کیوں جو اساں ڈے وسائل محدود ہن جو کڈاں تئیں لوکاں کوں پیسہ ڈے سگدوں۔ وزیراعظم آکھیے جو ہک پاسے کورونا وائرس اے ڈوجھے پاسے اساکوں ایندے معاشی اثرات کوں وی ڈیکھنڑاں اے ۔