لاہور۔9اپریل (اے پی پی):وزیراعظم عمران خان آکھیے جو پاکستان اچ مدینہ دی ریاست دی طرز تے قانون دی بالادستی، میرٹ اتے انسانیت دی فلاح تے مبنی فلاحی ریاست دا تصور گھن تے آندے پیوں ، بالخصوص معاشرے دے کمزور طبقات کوں سہولتاں ݙیوݨ تے توجہ مرکوز ہے، ملک اچ تعمیرات دے شعبہ دی ترقی توں روزگار دے مواقع، غربت دا خاتمہ تے ملکی دولت اچ ودھارا تھیسی ، بینکاں ولوں گھراں کیتے مورگیج دیاں سہولتاں ݙیوݨ دے رستےے اچ حائل رکاوٹاں دور کرݨ کیتے عدلیہ سودھے سارے اداریں دے تعاون دے مشکور اوں ، 21 ویں صدی دے چیلنجز نال نمٹݨ کیتے نظام اچ موجود خرابیاں کوں ختم کرݨا ہوسی ۔ او جمعے کوں اتھاں نیا پاکستان اپارٹمنٹس دے سنگ بنیاد دی تقریب توں خطاب کریندے پئے ہن وزیراعظم عمران خان ایں موقع تے حکومت پنجاب، وزیراعلی، وزراء اتے مختلف اداریں کوں خراج تحسین پیش کریندے ہوئیں آکھیے جو تساں ساریں دے سامݨے میں اپݨی خوشی دا اظہار کرݨ چاہندان اڄ اساں جیڑھی جاہ تے پجوں ایندے کیتے ٻہوں کم کیتے ، ”فور کلوژر” قانون دی منظوری اچ ݙو سال لڳے ، ایں کیتے عدلیہ دا شکریہ ادا کریندان ۔
