کولمبو۔23 فروری(اے پی پی)وزیراعظم عمران خان کولمبو اچ سری لنکن ہم منصب مہندا راجا پاکسا نال کلہیں ملین اتے انہاں ݙو طرفہ تعلقات دے ودھارے اتے خطے دی صورتحال تے الایا ڳئے۔ ݙوہاں رہنماواں آپسی تعاون، ݙو طرفہ تجارت، سرمایہ کاری، صحت اتے تعلیم سودھا اہم معاملیاں تے ساجھے داری دے موقعیاں تے الایا۔ وزیرِاعظم عمران خان دا اے دورہ ݙوہاں ملکاں دے تعلقات ٻئے تکڑے کرݨ کیتے اہم ثابت تھیسی۔ ایں توں پہلے کولمبو پڄݨ تے ٻالاں وزیراعظم عمران خان کوں پھل پیش کیتن اتے سری لنکا دے وزیراعظم مہندا راجا پاکسا انہاں دا ریڈ کارپٹ استقبال کیتے اتے سلامی ݙتی ڳئی اتے وزیراعظم عمران خان گارڈ آف آنر دا معائنہ کیتے۔ عمران خان مہماناں دی کتاب اچ اپݨے تاثرات وی لکھین۔ ایں دورے دی دعوت وزیراعظم عمران خان کوں سری لنکن ہم منصب ݙتی ہئی۔
مضمون کا ماخذ : لوٹیریا وفاقی
