کوہاٹ۔28نومبر(اے پی پی)وفاقی وزیر اطلاعات و نشریات سینیٹر شبلی آکھیے جو وزیراعظم عمران خان دی قیادت اچ ملکی معیشت کوں پائیدار بݨاوݨ ، اداریاں کوں با اختیار بݨا تے اپݨے پیراں تے کھڑا کرݨ کیتے ݙینھ رات کم کریندے پیئوں،ماضی دی حکومتاں کرپشن اتے لٹ مار دے علاوہ کڄھ نئیں کیتا، جیں ویلھے ساکوں حکومت ملی خزانہ خالی ہا جیندی وجہ توں آئی ایم ایف کول ونڄݨا پئے، وزیراعظم عمران خان عالمی سطح تے پاکستان کوں عزت ݙیوائی، امریکہ اتے یورپی قیادت دے سامنے کݙاہیں معذرت آلے انداز اچ ڳالھ نئیں کیتی۔ کوہاٹ اچ پریس کانفرنس کریندے انہاں آکھیا جو ماضی اچ حکومتاں ملکی مفاد کوں قومی مفادات تے ترجیح ݙتی ، اینجھا ماحول بݨایا جیندے اچ ملکی معیشت کوں مصنوعی طور تے مثبت بݨایا گئے حالانکہ ملکی معیشت تباہ تھیندی پئی ہئی ، ادارے مفلوج ہن،انہاں دی خارجہ پالیسی اینجھی ہائی جو پاکستان دنیا اچ کلہا کھڑا ہا، وزیراعظم عمران خان سارے چیلنجز کوں قبول کریندے ہوئے ملک کوں سنبھالیا اتے بغیر کہیں خوف دے کم کریندے ہوئے پاکستان کوں عالمی سطح تے او حق ݙیوایا جو اوندا بݨدا ہا۔ وزیراعظم عمران خان ملک دے غریب مستحق اتے نادار لوکاں کیتے احساس پروگرام، انصاف صحت پروگرام شروع کیتا اتے روزگار دے موقعے ݙتے ۔
وزیراعظم عمران خان دی قیادت اچ ملکی معیشت کوں پائیدار بݨاوݨ، اداریاں کوں با اختیار بݨا تے اپݨے پیراں تے کھڑا کرݨ کیتے ݙینھ رات کم کر یندے پیئوں، شبلی فراز
مضمون کا ماخذ : apostas quina
متعلقہ مضامین
