اسلام آباد۔10نومبر(اے پی پی)صدر مملکت ڈاکٹر عارف علوی نال قزاقستان اچ پاکستان دے نامزد سفیر سجاد احمد سہیڑ ملین۔ صدر مملکت نامزد سفیر کوں قزاقستان اچ تقرری تے مبارکباد ݙتی۔ صدر عارف علوی سیاسی ، تجارتی ، ثقافتی اتے دفاعی شعبیاں اچ قزاقستان دے نال ݙوطرفہ تعاون ودھاوݨ تے زور ݙیندے آکھیا جو علاقائی رابطے معاشی ترقی کیتے ٻہوں ضروری ہین اتے چائنہ پاکستان اقتصادی راہداری خطے اچ رابطیاں دے وݙے مواقع ݙتین۔ انہاں آکھیا جو قزاقستان وی چائنا پاکستان اقتصادی راہداری توں فیدہ چاسڳدے ۔ انہاں آکھیا جو نامزد سفیر ݙوہاں ملکاں وچال پارلیمانی اتے ثقافتی رابطیاں کوں ودھاوݨ دی کوششں کرے۔
مضمون کا ماخذ : میگا سینا آن لائن
