پشاور ۔ 10 جنوری (اے پی پی) وزیراعظم عمران خان آکھیے جو ملک کوں حقیقی فلاحی ریاست بنڑاونڑ کیتے اینجھاں پالیسیاں بنڑیندے پئے ہیں جیندے نال عام آدمی کوں فیدہ پجے،ریلوے اتے پی آئی اے کوں پرائیویٹ سیکٹر اچ بھرپور مقابلہ کرنڑ دی صلاحیت رکھنڑآلے ادارے بنڑیسوں، ایم ایل ون پاکستان ریلوے اچ انقلابی ترقی گھن آسی،کرپشن اتے سفارش مکاونڑ پہلی ترجیح اے۔او پشاور اچ اضاخیل ڈرائی پورٹ دی افتتاحی تقریب نال خطاب کریندے پئے ہن۔ وزیراعظم عمران خان آکھیا جو اضاخیل ڈرائی پورٹ پاروں اتھاں تجارتی سرگرمیاں ودھسن اتے ایندے نال ملازمتاں دے مواقع نکلسن جیندامقامی لوکاں کوں وی فیدہ تھیسی۔وزیراعظم آکھیا جو اضاخیل ڈرائی پورٹ منتقلی دا منصوبہ 2006ءتوں شروع تھئے بھل شیخ رشید احمدہک سال اچ ایں منصوبے کوں مکمل کر تے او کر ڈکھائے جیڑھا 13 سال توں نہ تھیندا پیا ہا۔انہاں آکھیے جو خیبر پختونخوا دے عوام اچ سیاسی شعور آگئے تہوں او ولا ولا پی ٹی آئی کوں ہی ووٹ ڈے تے کامیاب کریندن۔وزیراعظم عمران خان آکھیا جو بدقسمتی نال 70 سالاں اچ ریلوے تے پیسے نئیں لائے گئے، انگریز دور دا ٹریک وی مک گئے ایندے تے توجہ ڈتی ویندی تاں اج ریلوے بہوں اگو ہوندا۔
ملک کوں حقیقی فلاحی ریاست بنڑاونڑ کیتے عوام دوست پالیسیاں بنڑیندے پئے ہیں،کرپشن اتے سفارش مکاونڑ ترجیح اے،وزیراعظم عمران خان دا اضاخیل ڈرائی پورٹ دی افتتاحی تقریب نال خطاب
مضمون کا ماخذ : سمندری ڈاکو گولڈ
متعلقہ مضامین
