نیویارک۔ 16جنوری(اے پی پی) وزیر خارجہ مخدوم شاہ محمود قریشی ایں عزم دا اعادہ کیتے پاکستان خطے اچ کہیں محاذ آرائی دا حصہ دار کائناں بنڑسی ۔پاکستان قیام امن کیتے متحرک تے مثبت کردار ادا کرنڑ کیتے پرعزم اے ۔اے گال انہاں نیویارک اچ اقوام متحدہ دے سیکرٹری جنرل انتونیو گوتھریس نال ملاقات کریندے ہوئیں آکھی اے ۔اقوام متحدہ اچ پاکستان دے مستقل مندوب منیر اکرم وی ایں ملاقات اچ موجود ہن ۔ گال مہاڑ اچ مشرق وسطی دی صورتحال، بھارت دی طرفوں مقبوضہ جموں و کشمیر اچ جاری انسانی حقوق دیاں سنگین خلاف ورزیاں سمیت خطے اچ امن و امان دی مجموعی صورتحال تے گال مہاڑ کیتی گی ۔وزیر خارجہ سیکرٹری جنرل اقوام متحدہ کوں مشرق وسطیٰ اچ کشیدگی گھٹ کراونڑ کیتے پاکستانی دی سفارتی کاوشاں دا ڈسائے۔ وزیر خارجہ سیکرٹری جنرل اقوام متحدہ کوں وزیر اعظم عمران خان دی خصوصی ہدایت تے کیتے گے اپنڑے اجوکے دورہ ایران و سعودی عرب دی تفصیل بارے ڈسائے ۔ شاہ محمود قریشی آکھیے جو پاکستان سمجھدے جو اے خطہ کہیں نویں محاذ آرائی دا متحمل نی تھی سگدا ۔ وزیر خارجہ آکھیا اساں سمجھدوں جو ایں تناو دی کیفیت تے قابو پاونڑ کیتے ”اقوام متحدہ“ اپنڑے چارٹر دی رو نال اہم کردار ادا کرسگدے ۔وزیر خارجہ ایں عزم دا اعادہ کیتے جو پاکستان ،خطے اچ کہیں محاذ آرائی دا حصہ دار کائناں بنڑسی لیکن قیام امن کیتے پاکستان اپنڑاں متحرک اتے مثبت کردار ادا کرنڑ کیتے پرعزم اے۔یو این سیکریٹری جنرل انتونیو گوئٹرس قیام امن کیتے پاکستان دے مثبت کردار دی تعریف کریندے ہوئیں سارے فریقین کوں جھیڑا گھٹ کراونڑ تے معاملات کوں حل کرنڑ دی ضرورت تے زور ڈتا ۔
پاکستان خطے اچ کہیں محاذ آرائی دا حصہ دار کائناں بنڑسی ، مخدوم شاہ محمود قریشی
مضمون کا ماخذ : لاٹری ٹکٹ کے نتائج
متعلقہ مضامین
