اسلام آباد ۔ 13 اگست (اے پی پی) وفاقی وزیر انسانی حقوق ڈاکٹر شیریں مزاری آکھیے جو تریمت صحافیاں کوں نشانہ بنڑاونڑ تے بدسلوکی دا سنڑ تے بہوں ڈکھ تھئے ، تریمت صحافیاں کوں حراساں کرنڑ ناقابل قبول اے ۔ وفاقی وزیر اطلاعات و نشریات توں درخواست کیتی اے جو صحافیاں دے تحفظ دے بل اچ رہنمائی کرن، ایندی نہ صرف ودھ ساری ضرورت اے بلکہ اساڈے آئین اتے بین الاقوامی قوانین دے تحت اساڈی ذمے واری اے ۔ ٹویٹر تے جاری آپ دے بیان اچ انہاں آکھیے جو صحافی پیشہ وارانہ خدمات سرانجام ڈیندے پئن تے انہاں کوں نشانہ بنڑاونڑ خاص طور تے صنفی بنیاداں تے بدسلوکی کرنڑ قابل افسوس اے تے ناقابل قبول اے۔ انہاں وفاقی وزیراطلاعات و نشریات توں مطالبہ کیتے جو صحافیاں دے تحفظ دے بل دی تیاری اچ تیزی گھن آونڑ کیتے رہنمائی کرن ۔انہاں واضح کیتے جو کہیں وی سیاستدان یا انہاں دے خاندان ولوں تریمت صحافیاں کوں ہراساں کرنڑ ناقابل قبول اے۔
تریمت صحافیاں کوں حراساں کرنڑ ناقابل قبول اے ،وفاقی وزیراطلاعات و نشریات توں صحافیاں دے تحفظ دے بل دی تیاری تکھے کرنڑ کیتے رہنمائی دا مطالبہ کیتے ، وفاقی وزیر انسانی حقوق ڈاکٹر شیریں مزاری
مضمون کا ماخذ : پاور بال
متعلقہ مضامین
