اسلام آباد۔2 مارچ(اے پی پی)وفاقی وزیر سائنس و ٹیکنالوجی چوہدری فواد حسین آکھیے جو سینیٹ الیکشن کیتے پیسے ونݙݨ اتے ووٹ مل ڳھنݨ دی نویں ویڈیو سامݨے آوݨ شرمناک اے، شفاف سینیٹ انتخابات الیکشن دی ذمہ داری اے، الیکشن کمیشن دا شفاف سینیٹ انتخابات کیتے ٹیکنالوجی استعمال کرݨ لو ویلھے دی کمی دا جواز درست نئیں، الیکشن کمیشن چاہوے تاں اساں 24 ڳھنٹے اچ ٹیکنالوجی دی سہولت ݙے سڳدے ہیں۔ اے ڳالھ انہاں اسلام آباد اچ پی ٹی آئی رہنمواں دے کٹھے پریس کانفرنس کریندے آکھی۔ انہاں آکھیا جو اسلام آباد دی سیٹ توں ساݙے امیدوار حفیظ شیخ اتے فوزیہ دی جیت اپوزیشن دے تابوت اچ چھیکڑی کیل ثابت تھیسی۔ انہاں آکھیا جو سپریم کورٹ شفاف انتخابات کیتے سیدا سادا فیصلہ ݙتے، ہݨ الیکشن کمیشن دی ذمہ داری اے جو او الیکشن کوں شفاف بݨاوے اتے متنازعہ نہ تھیوݨ ݙیوے، اڄ دی ویݙیو دے بعد ٹیکنالوجی استعمال نہ کرݨ دا کیہڑا جواز رہ ڳئے۔ انہاں آکھیا جو سینیٹ الیکشن ہک وݙا سیاسی معرکہ اے، سپریم کورٹ اتے الیکشن کمیشن محترم ادارے ہین بھل پی ٹی آئی شفافیت کیتے ملک اچ اپݨی جدوجہد جاری رکھیسی۔ انہاں امید کیتی جو الیکشن کمیشن اپوزیشن دی ہارس ٹریڈنگ دی ویݙیو سامݨے آوݨ دا نوٹس ڳھنسی۔
الیکشن کمیشن دا شفاف سینیٹ انتخابات کیتے ٹیکنالوجی استعمال کرݨ لو ویلھے دی کمی دا جواز درست نئیں، وفاقی وزیر چوہدری فواد حسین
مضمون کا ماخذ : پاکستان کی لاٹری کی تاریخ
متعلقہ مضامین
