اسلام آباد۔10فروری (اے پی پی):وزیراعظم عمران خان آکھیے جو سینیٹ انتخابات کیتے سیاستداناں دی منڈی لڳی ہوئی اے ، 30 سال توں سینیٹ الیکشن وچ ووٹ وکدن ، بلوچستان اچ سینیٹ دی ھک سیٹ دا ریٹ 50 توں 70 کروڑ روپے اے، پنج سال پہلے میکوں خود سینیٹ انتخابات اچ پیسے دی ??فر تھئی ، پیسہ لاتے سینیٹر بݨ ونڄݨ آلا پیسہ ہی بݨیسی ، ماضی اچ اوپن بیلٹ دا مطالبہ کرݨ آلے اڄ آپݨے مطالبے توں ??یوں پچھوں ہٹ ڳئن ، خفیہ ووٹنگ اچ حکومت کوں اپوزیشن توں ودھ سیٹاں مل سڳدن ، سینیٹ الیکشن اگر اوپن بیلٹ توں نہ تھیا تاں اپوزیشن آلے روسن ، پی ڈی ایم چوری بچاوݨ کیتے یونین بݨی ہوئی اے ، برآمدات ودھاوݨ نال روپیہ مضبوط اتے مہانگ گھٹ تھیسی ۔ انہاں اے ڳالھ ٻدھ کوں ??لر سیداں اچ صحافیاں نال ڳالھ مہاڑ کریندے ہوئیں ??کھی اے ۔وزیراعظم عمران خان آکھیے جو سوال تاں اے ھے جو کیا اتھاں سیاستداناں دے ضمیر دا سودا تھیندے یا کائناں، رشوتاں ݙے تے ضمیر مل ڳھدا ویندے ۔ ایم پی ایز اتے سینیٹرز ملک دی قیادت ہن۔رشوت ݙے تے سینیٹر بݨ ونڄݨ تے ایم پی ایز دےضمیر ویچݨ دا سلسلہ 30 سال توں ??لدا پ??ے اتے ساریں ??وں وݙا سوال اے ھے جو ایندے اچ سیاسی قیادت کوں وی پیسہ ملدے ۔ وزیراعظم آکھیے جو میکوں خود پنج سال سینیٹ دے انتخابات اچ پیسے دی ??فر تھئی ہئی ، جݙاں سیاسی قیادت کوں پتہ اے جو سینیٹ دے انتخابات اچ پیسہ چلدے تاں انہاں اینکوں روکݨ دی کوشش کیوں نی کیتی ، اے جمہوریت دی نفی اے، جمہوریت اچ اے کیویں ??ھی سڳدے جو پیسہ لاتے کوئی سینیٹر بݨ ونڄے ۔ وزیراعظم عمران خان آکھیے جو جنہاں ارکان کوں اساں پارٹی توں ??ڈھیا ہئی تاں انہاں کیس کیتے ہوئے ہن ،جے ویڈیو اساں ݙے ہوندی ??اں عدالت اچ ڳھن ویندا ،ویڈیو ڈکھا تے کیس ہی ختم کرا ڳھندے ۔
