اسلام آباد۔1فروری (اے پی پی):صدر مملکت ڈاکٹر عارف علوی بینکاری دے شعبے اچ نقلی سرگرمیاں تے سائبر جرائم دے ودھدے رجحان تے تشویش دا اظہار کریندے ہوئیں آکھیے جو لوکاں کوں دھوکے بازی توں بچاوݨ کیتے انفارمیشن ٹیکنالوجی سسٹم کوں اپ گریڈ کرتے حفاظتی اقدامات کیتے ونڄن ۔ اے ڳالھ انہاں سنوار کوں بینکنگ محتسب محمد کامران شہزاد نال ملاقات کریندے آکھی اے ۔ ایں موقع تے بینکنگ محتسب دی سال 2020ء دی کارکردگی رپورٹ صدر کوں پیش کیتی ڳئی۔ صدر عارف علوی بینکنگ محتسب دی کارکردگی دی تعریف کیتی تے ایں ڳالھ تے زور ݙتے جو صارفین کوں مالی ضیان تے فراڈ توں بچاوݨ کیتے موثر احتیاطی تدابیر اپنائی ونڄے ۔ انہاں آکھیے جو خدمات دی بہتر فراہمی اتے شکایات دے وختی تے موثر ازالے کیتے جدید ترین انفارمیشن ٹیکنالوجی بروئے کار گھن آوݨ دی لوڑھ اے ۔صدر مملکت آکھیے جو سیمینارزاتے موثر میڈیا مہم دے ذریعے بینکاری دے شعبے اچ دھوکہ دہی تے فراڈ بارے لوکاں کوں شعور ݙتا ونڄے ۔
