اسلام آباد۔21نومبر (اے پی پی):مذہبی و سیاسی جماعت تحریک لبیک پاکستان دے سربراہ علامہ خادم حسین رضوی دی نماز جنازہ ہفتے کوں لاہور اچ مینار پاکستان دے گرائونڈ اچ ادا کر ݙتی ڳئی ۔ نماز جنازہ خادم حسین رضوی دے وݙے صاحبزادے علامہ سعد حسین رضوی پڑھائی۔ نماز جنازہ اچ وفاقی وزیر مذہبی امور نور الحق قادری، چیئرمین رویت ہلال کمیٹی مفتی منیب الرحمان اتے ٻئے مذہبی و سیاسی رہنماواں سودھے ہزاراں لوکاں شرکت کیتی ۔ایں موقع تے سکیورٹی دے سخت انتظامات کیتے ڳے ہن ۔ خادم حسین رضوی دی میت کوں مینار پاکستان پڄاوݨ اچ تقریباً چھی گھنٹے دا وقت لڳیا ۔ مینار پاکستان اچ لوکاں دی آمد دا سلسلہ گزریل رات توں جاری ہئی ۔تحریک لبیک پاکستان دے مطابق نماز جنازہ توں پہلے جماعت دی مجلس شوریٰ خادم حسین رضوی دے وݙے صاحبزادے سعد رضوی کوں انھاں دا جانشین مقرر کرݨ دا اعلان کیتا ۔ علامہ سعد رضوی تحریک لبیک پاکستان دے نویں امیر ہوسن۔
خادم رضوی دی نماز جنازہ ادا کر ݙتی ڳئی، علامہ سعد رضوی تحریک لبیک پاکستان دے نویں امیر مقرر
مضمون کا ماخذ : کمپیوٹر لاٹری لائیو
متعلقہ مضامین
