اسلام آباد۔4نومبر (اے پی پی):پاکستان اتے بوسنیا ہرزیگووینا اتفاق کیتے جو پوری دنیا اچ اظہار رائے دی آزادی دی آڑ اچ مسلماناں دے مذہبی جذبات کوں مجروح کرݨ کوں قبول کائنا کیتا ویسی جݙانجو بوسنیا، ہرزیگووینا دی پریذیڈنسی دے چئیرمین شفیق جعفرووچ آکھیا جو کشمیر اچ انسانی حقوق دی خلاف ورزیاں دا معاملہ،مسئلہ کشمیر کشمیری عوام دی خواہشات مطابق حل کیتا ونڄے۔اے ڳالھیں انہاں بدھ کوں وزیر اعظم عمر ان خان اتے بوسنیا، ہرزیگووینا دی پریذیڈنسی دے چئیرمین شفیق جعفرووچ سانڄھی پریس کانفرنس نال خطاب کریندیں ہوئیں آکھی۔وزیراعظم عمران خان آکھیا جو بوسنیا، ہرزیگووینا دی پریذیڈنسی دے چئیرمین شفیق جعفرووچ دا پاکستان دا دورہ تے آوݨ تے خیر مقدم کریندوں۔نوے دی ڈھاکے اچ بوسنیا دےشہریاں دے اوکھے ویلھے پاکستان دی عوام پوری مدد کیتی ہئی ۔ݙوہیں ملکاں وچال انہاں معاہدیاں نال تعلقات ٻئے ودھسن۔ݙوہیں ملکاں وچال تجارت دا حجم 4.5 ملین یورو اے۔اساں اینکوں ٻیا ودھاوݨ چاہندوں کیونجو پاکستان بوسنیا نال تعلقات کوں اہمیت ݙیندے۔انہاں آکھیا جو ݙوہیں ملکاں تجارت سودھے مختلف شعبیاں اچ تعاون ودھاݨ دا فیصلہ کیتے۔وزیراعظم آکھیا جو بوسنیا، ہرزیگووینا دی پریذیڈنسی دے چئیرمین شفیق جعفرووچ اتے بوسنیا دی حکومت ولوں کشمیر دے پاکستان دے موقف دی حمایت دا شکریہ ادا کریندوں۔انہاں آکھیا جو آزادی اظہار دی آزادی اظہاررائے دی آڑ اچ مسلمانان دی توہین نی تھیوݨی چاہیدی ،رسول کریم صلی اللہ علیہ وسلم دی شان اچ گستاخی کوئی مسلمان برداشت نی کر سڳدا۔رسول پاک ﷺ دی ذات دی حرمت مسلماناں سانگے بہوں اہم مسئلہ اے۔ایں ڳالھ کوں پورے یورپ کوں سمجھ گھݨا چاہیدے۔ایں موقع تے ڳالھ مہاڑ کریندیں ہوئیں بوسنیا، ہرزیگووینا دی پریذیڈنسی دے چئیرمین شفیق جعفرووچ آکھیا جو وزیراعظم عمران خان دی دعوت تے پاکستان دے دورے تے ٻہوں خوشی تھی اے۔پاکستان اتے بوسنیا ݙوہیں دوست ملک ہن،ݙوہیں ملکاں وچال تعلقات کوں ودھاوݨ دی بہوں گنجائش اے۔انہاں آکھیا جو اقوام متحدہ امن مشن دے تحت پاکستانی دستیاں بوسنیا اچ اہم کردار ادا کیتے۔انہاں آکھیا جو کشمیر دا مسئلے دا پر امن حل انسانی حقوق کمیشن دے تحت ڳولیا ونجے۔دہشت گردی عالمی مسئلہ اے جئیں نال نبڑݨ سانگے سانجھی کوششاں دی لوڑھ اے۔انہاں وزیراعظم عمران خان کوں بوسنیا دے دورے دی دعوت ݙتی ،امید اے او جلدی اساݙے ملک دا دورہ کریسن۔
کشمیر اچ انسانی حقوق دی خلاف ورزیاں دا معاملہ،مسئلہ کشمیر کشمیری عوام دی خواہشات مطابق حل کیتا ونڄے،بوسنیا دی پریذیڈنسی دے چئیرمین شفیق جعفرووچ اتے وزیراعظم عمران خان دی سانڄھی پریس کانفرنس
مضمون کا ماخذ : estratégias loteria وفاقی
متعلقہ مضامین
