وزيراعظم محمد شهباز شريف سره د بلوچستان د زده كوٶنكو ګيلو پحقله د جوړ شوې كمېشن غړو وليدل

APP30-160523 ISLAMABAD: May 16 – A delegation of Commission to enquire and investigate grievances of students of the province of Balochistan calls on Prime Minister Muhammad Shehbaz Sharif. APP/TZD/FHA

اسلام آباد 16 مئي (اے پي پي) وزيراعظم محمد شهباز شريف وئيلي دي چې د بلوچستان پرمختګ سره د پاکستان پرمختګ تړلې دے٬ قامي سياسي مشران د بلوچستان اولس ته د امن٬ دوستۍ او سوكالۍ پېغام وركوي٬ د صوبې ټولې مسئلې او د بې دركه كسانو مسئله دې د رياست ټول اړوند ډلې په ګډه حل كړي ۔ د دې خيالاتو څرګندونه وزيراعظم د بلوچستان د زده كوٶنكو ګيلو پحقله د جوړ شوې كمېشن غړو سره خپلو خبرو كښې كړې چا چې د نهې په ورځ ده سره ليدلي ؤ۔ کمېشن وزيراعظم ته د بلوچستان تعلق لرونكو زده كوٶنكو د ګيلو او د هغې د آزالې په اړه په مرتب كړې شوي رپورټ بريفنګ وركړو۔ وزيراعظم د کمېشن د کارکردګۍ ستائنه كولو سره ووئيل د بلوچستان تعلق لرونكو زده كوٶنكو د ګيلو او د هغې آزالې په اړه په مرتب كړې شوي رپورټ جامع دے۔ وزيراعظم امر وكړو چې وفاقي او صوبائي ادارې دې په رپورټ كښې په وركړې شوې تجويزونه عملدرآمد باوري كولو لپاره اقدامات وكړي۔ ده ووئيل د بلوچ زده كوٶنكو د مسئلو او ګيلو حل لپاره به هر ډول ممكنه اقدامات كولې شي۔ ده ووئيل بلوچ زده كوٶنكي د پاكستان اثاثه دي او د دوي په خېرښګړه او سوكالۍ كښې د پاكستان پرمختګ دې۔ وزيراعظم ووئيل د بې دركه كسانو پحقله د آئين او قانون په دائره كښې پاتې كېدو سره دې مناسب اقدامات وكړې شي۔ ده ووئيل شراكتداري او د پارټنرشپ لائحه خپلولو سره خپل قامي اتحاد او پرمختګ باوري كولې شي۔ ده امر وكړو چې د بلوچستان پرمختګ لپاره دې پرمختيائي فنډز وركول ممكن كړې شي۔ وزيراعظم ووئيل مېرمنې او د تولنې محروم طبقې په مركزي چوكاټ كښې شاملولو لپاره حكومت بشپړه هڅې كوي۔ په ملاقات كوٶنكو كښې د كمېشن کنوينئر او د قامي اسمبلۍ غړې سردار اختر مېنګل، سينيټر مشاهد حسېن سيد ، سينيټر کامران مرتضيٰ، افراسياب خټك، ناصر محمود کھوسه ، ميجر(ر) حسنېن د سېنېټ اېډيشنل سېكتر شامل وو۔ په دې موقع وفاقي وزيران خواجه آصف ، رانا ثنا الله، اعظم نذير تارړ، د وزيراعظم سلاحكار احد چيمه او اړوند سركاري چارواكي هم موجود وو۔ د يادونې وړ ده چې د بلوچستان د زده كوونكو د ګيلو پحقله دا كمېشن د اسلام آباد هائي كورټ د احكاماتو په رڼا كښې په ستمبر كال 2022 كښې جوړ شوې

مضمون کا ماخذ : لاٹری کا حساب