اسلام آباد ۔ 21 اگست (اے پی پی) الیکشن کمیشن سیاسی جماعتاں کوں ہک واری ول یاد ڈیوائے جو او آپنڑی جماعت دے مالی سال 2019-20ءدے حسابات دے گوشوارے 29 اگست تئیں جمع کراون ۔ الیکشن کمیشن ولوں جمعے کوں جاری پریس ریلیز موجب سیاسی جماعتاں کوں آکھیا گے جو او آپ دی سالانہ آمدنڑ ،خرچے ، فنڈز دے ذرائع اتے اثاثیں دی تفصیل چارٹرڈ اکاونٹنٹ فرم دی اکاﺅنٹس دے آڈٹ دی رپورٹ اتے پارٹی دے کہیں عہدے دار جیرھا جو سربراہ دی طرفوں اختیار رکھیندا ہووے ،ولوں کہیں ممنوع ذرائع توں فنڈز حاصل نہ کرنڑ، درست مالی پوزیشن دا سرٹیفیکیٹ دے رلے 29 اگست تئیں جمع کراون ۔ الیکشن ایکٹ 2017ءموجب ہر سیاسی جماعت کیتے مالی سال دے چھیکڑ دے 60 ڈینھ دے اندر آپنڑے حسابات دی تفصیل جمع کراونڑ قانونی لوڑھ اے ۔
مضمون کا ماخذ : کینڈی کیش
