اسلام آباد ۔ 16 مارچ (اے پی پی) وفاقی وزیر مذہبی امور نور الحق قادری کورونا وائرس دی عالمگیر وبا نال سامنڑے آندی صورت حال پاروں شہریاں دے مفاد کوں یقینی بنڑاونڑ کیتے علماءتے مشائخ تے زور ڈتے جو وختی سارے مذہبی اجتماعات کوں موخر کیتا ونجے ۔سنوار کوں اپنڑے ویڈیو پیغام اچ انہاں ایں گال تے زور ڈتے جو نماز جمعہ دے اجتماع کوں مختصر رکھیا ونجے تے بالاں تے بڈھیں کوں جمعہ نماز کیتے مسیت اچ نی آونڑاں چاہیدا ۔انہاں آکھیے جو حکومت کورونا وائرس دی صورتحال نال نبڑنڑ کیتے موثر اقدامات کریندی پئی اے ایں حوالے نال ڈرنڑ تے لوڑھ کائنی ۔انہاں آکھیے جو بطور مسلمان اساکوں اللہ رب العزت دے حضور رجوع کرنڑاں چاہیدے تے دعا کرنڑیں چاہیدی اے ایں مصیبت توں اساکوں پرے رکھے ۔انہاں آکھیے جو علاج معالجہ نبی پاک ﷺ دی سنت اے ۔
مضمون کا ماخذ : ڈوپلا سینا
