اسلام آباد ۔ 30 جولائی (اے پی پی) وزیراعظم عمران خان آکھیے جو کاروباری برادری تعمیراتی شعبہ اچ سرمایہ کاری کرے،حکومت انہاں دا وپورا ہتھ ونڈیسی، پورٹل، موبائل ایپلیکیشن اتے آن لائن نظام دا مقصد شفافیت اتے کارکردگی و فعالیت اے۔اے گالھ انہاں نیشنل کوآرڈینیشن کمیٹی برائے ہاوسنگ، کنسٹرکشن اینڈ ڈویلپمنٹ دے ہفتہ وار اجلاس دی صدارت کریندے آکھی۔ اجلاس اچ ایسوسی ایشن آف بلڈرز اینڈ ڈویلپرز آف پاکستان (آباد) دے 13 نمائندگان ویڈیولنک تے شرکت کیتی۔اجلاس اچ تعمیراتی شعبے اچ حکومت ولوں مراعات اتے ایں سانگے سرگرمیاں دی پیشرفت دا تفصیلی جائزہ گھدا گئے۔آبادڈویلپرز آکھیے جو ترائے توں چار مہینے اچ مختلف منصوبے شروع کرڈتے ویسن جیندے نال 1370 ارب روپے دی معاشی سرگرمی پیدا تھیسی ،ایندے اچ ہک لکھ رہائشی یونٹس بنڑاونڑ وی شامل اے۔اجلاس اچ ڈسایا گیا جو بلڈرز اتے ڈویلپرز دی سہولت کیتے پنجاب دے 9 ڈویژن اچ ای خدمت مراکز قائم کرڈتے گین جتھاں ون ونڈو سہولت ڈتی ویسی، 14 اگست تئیں ای خدمت مراکز دا دائرہ کارسارے ضلعیاں تئیں ودھا ڈتا ویسی۔وزیراعظم پنجاب اتے کے پی آلی کار اینجھے پورٹل بئے صوبیاں خاص کر گلگت بلتستان اتے آزاد جموں و کشمیر اچ وی متعارف کراونڑ دی ہدایت کیتی تاں جو نظام اچ مداخلت گھٹاونڑ اتے شفافیت اچ مدد ملے۔ وزیراعظم ہدایت کیتی جو نویاں تعمیرات خصوصاً ہاوسنگ یونٹس اتے ہاوسنگ کالونیز اتے کمرشل عمارتاں اچ بجلی اتے گیس جھیاں سہولتاں ڈیونڑ کیتے وفاقی سطح تے ہیلپ لائن دا کردار موثر بنڑایا ونجے۔وزیراعظم آکھیا جو ملکی معیشت تے کورونا دے منفی اثرات زائل کرنڑ، معاشی عمل تیکھا کرنڑ اتے خصوصاً نوجواناں کوں نوکریاں اتے غریب عوام دی اپنڑی چھت دے خواب سانگے تعمیراتی شعبہ اہم اے تہوں اے اے حکومتی ترجیحات اچ اگو اگو اے،حکومت ایںشعبہ کوں ہر سہولت ڈیسی،سارے تمام چیف سیکرٹریز تعمیرات دے شعبے اچ رکاوٹاں کوں دور کرن ۔
کاروباری برادری تعمیراتی شعبہ اچ سرمایہ کاری کرے، حکومت ہر ممکن تعاون کریسی،وزیراعظم عمران خان دا نیشنل کوآرڈینیشن کمیٹی برائے ہاوسنگ، کنسٹرکشن اینڈ ڈویلپمنٹ دے اجلاس نال خطاب
مضمون کا ماخذ : Raging Rhino
متعلقہ مضامین
