اسلام آباد 15 فروري (اے پي پي) د كورنيو چارو نګران وفاقي وزير ډاکټر ګوهر اعجاز په مشرۍ كښې د زيارت په ورځ په شوې غونډه كښې پېنډۍ اسلام اباد كښې د اوبو رسولو او پاكولو سره د اړوندو مسئلو جاج اخستلو غونډه وشوه۔ په غونډه كښې د اطلاعاتو او خپرونو وفاقي وزير مرتضی سولنګي په خاص توګه ګدون وكړو۔ د اسلام آباد كمشنر، د لوکل ګورنمنټ ډيپارټمنټ، آر ډي اے او د کنټونمنټ بورډ نمائندګانو هم په دې موقع موجود وو۔ غونډې ته ووئيل شول چې اته زره كاركنان د صفايۍ په كار مامور دي كوم چې د كال په سر اووه اربه بجټ سره هره ورځ نزدې 2300 كوړا ځايې ته رسولې شي خو د دې باوجود په دواړو ښاريو كښې صفائي معياري نشي ګرځولې كېدې۔ غونډې ته ووئيل شول چې دا مهال په دواړو ښاريو كښې وګړي د اوبو 47 فيصده كمي سره مخ دي۔ داخله وزير ووئيل مونږ غواړو چې پايه تخت نورو ښاريو لپاره زرين مثال جوړ شي٬ د اوبو رسول او صفائي بنيادي ضرورتونه دي٬ د سبا حاجتونه ترسره كولو لپاره به نن پرېكړې كول وي۔ ده ووئيل چې بشپړ نظام به وضع كول وي او په دې لړ كښې دې زر تر زره په ضروري اقداماتو عملدرآمد باوري كړې شي۔ ده ووئيل چې صفائي باوري كولو لپاره د اوبو رسولو نظام ښه كول ضروري دي۔ په دې موقع د اطلاعات او خپرونو وفاقي وزير ووئيل د زمكې لاندې د اوبو په كچه كښې بهتري د اوبو رسولو كښې ډېر مهم دي٬ دې لپاره دې پلو به پام ګرځول وي۔ ده ووئيل چې په اسلام آباد كښې د باراني خوړونو صفائي به هم باوري كول وي
د داخله وزير ګوهر اعجاز په مشرۍ كښې پينډۍ اسلام آباد كښې د اوبو رسولو او پاكولو نظام سره د اړوندو مسئلو جاج اخستو غونډه
مضمون کا ماخذ : پاور بال جیک پاٹ
متعلقہ مضامین
