فیصل آباد۔18نومبر(اے پی پی)وزیر اعلیٰ پنجاب عثمان بزدار آکھیے جو پنجاب اچ 13 خصوصی اقتصادی زونز بݨدے پین، فیصل آباد دی ترقی ملک دی معاشی ترقی کیتے ٻہوں ضروری اے، فیصل آباد دے مسلیاں دے حل کیتے 13 ارب روپے دا پیکیج اے ڈی پی دا حصہ بݨایا ویندا پئے۔ اے ڳالھ انہاں وزیر اعظم عمران خان دے آوݨ تے فیصل آباد دی تاجر برادری نال خطاب اچ آکھی۔ انہاں آکھیا فیصل آباد پاکستان دا صنعتی مرکز اے جیکر فیصل آباد ترقی کریسی تاں پاکستان دی معیشت دا پہیہ وی اڳو تے ٹرسی، پنجاب دیاں سڑکاں دی بحالی کیتے کم تھیندا پئے جیندے کیتے ودھ وسائل لائے ویسن، فیصل آباد سودھا صوبے دے ٻئے شہراں اچ وی 13 خصوصی اقتصادی زون بݨائے ویندے پین جتھاں ہر سہولت ݙتی ویسی تاں جو صنعت و معیشت دی ترقی تھیوے اتے روزگار وی ملے۔
مضمون کا ماخذ : ٹکٹ خریدنے کے حوالے سے الفاظ
