اسلام آباد ۔ 2 جولائی (اے پی پی) وزیر خارجہ شاہ محمودقریشی آکھیے جو جنوبی پنجاب دے صوبے دا او خواب جیرھا جو اساں اپنڑے منشور اچ گھن آندا ہئی اج ایندی عملی تعبیر دا آغاز تھی چکے ۔خمیس کوں جنوبی پنجاب دے حوالے نال ویڈیو بیان اچ وزیر خارجہ آکھیے جو میں جنوبی پنجاب دے ہک منتخب نمائندے دی حیثیت نال وزیراعظم پاکستان تے چیئرمین پاکستان تحریک انصاف عمران خان دا دلوں شکر گزار ہاں۔ جنوبی پنجاب دے صوبے دا او خواب جیرھا اساں اپنڑے منشور اچ گھن آندا ہئی ایندی عملی تعبیر شروع تھی گئی اے ۔ایڈیشنل چیف سیکرٹری جنوبی پنجاب اتے ایڈیشنل آئی جی جنوبی پنجاب دی تعیناتی عمل اچ آگئی اے ۔ انہاں آکھیے جو میڈی ڈوہیں افسراں نال گال تھئی اے او اپنڑاں چارج سنبھالنڑ کیتے تیار ہن ۔ وزیر اعظم عمران خان اتے وزیر اعلیٰ پنجاب عثمان بزدار انہاں کوں پوری طرح بریف کرڈتے جو اساڈی انہاں توں توقعات کیا ہن ۔ جنوبی پنجاب دے لوکاں کوں اپنڑے کماں دے سلسلے اچ لاہور ونجنڑ دی ضرورت کائناں پوسی ۔
ایڈیشنل چیف سیکرٹری اتے ایڈیشنل آئی جی دی تعیناتی نال جنوبی پنجاب دے صوبے دے خواب دی عملی تعبیر دا آغاز تھی چکے ، وزیر خارجہ شاہ محمودقریشی
مضمون کا ماخذ : کنگ کانگ روش
متعلقہ مضامین
