اسلام آباد ۔ 15 مئی (اے پی پی) وفاقی وزیر شہری ہوا بازی غلام سرور خان آکھیے جو کورونا وائرس پاروں پی آئی دا مہینہ خسارہ 5 ارب روپے تئیں پج گئے ‘ بے شک میں سمیت پوری کابینہ دا احتساب کیتا ونجے تاں جو انہاں لوکاں دا وی حساب تھیونڑاں چاہیدے جنہاں ترائے ترائے واری وزیراعظم اتے چھی چھی واری وزارتاں اچ رہ تے ایں غریب ملک کوں ضیان پجائے ، نیب تحقیقات دا خیر مقدم کریساں تے چاہنداں جو میڈے 1970ءتوں 2020ءتئیں سارے اثاثیں دی تفصیلات ایوان اچ پیش کیتیاں ونجن ۔ جمعے کوں قومی اسمبلی اچ کورونا وائرس دی وبا دی موجودہ صورتحال تے بحث اچ حصہ گھندے ہوئیں شہری ہوا بازی دے سربراہ غلام سرور خان آکھیے جو پوری دنیا کورونا وائرس دا شکار اے تے ہر ملک اچ ایوی ایشن آپریشن معطل تھئے پاکستان اچ وی اے صورتحال درپیش آئی۔ پوری دنیا اچ زائرین‘ تبلیغی جماعت دے ارکارن طلباءاتے بئے ہک لکھ پاکستانی ایں صورت حال اچ پھس تے رہ گئن ۔انہاں کوں گھن آونر کیتے ترجیحات دا تعین کیتاگئے ۔ عمان اتے یو اے ای توں قیدی بلامعاوضہ واپس گھن آئے گئن ۔ 25 ہزار پاکستانیاں کوں وطن واپس پجا ڈتے ۔ فرنٹ لائن تے ڈاکٹر اتے طبی عملہ اے ڈوجھے پاسے لائن اچ ایوی ایشن دا عملہ کورونا دے خلاف برسرپیکار اے ہنڑ تئیں اساڈے17 اہلکار انتقال کرگن ۔ 7 ہزار پاکستانیاں کوں ہک ہفتے اچ واپس گھن آیا ویسی او عید اپنڑے نال کریسن ۔
کورونا وائرس دی وبا پاروں پی آئی اے دا مہینہ خسارہ 5 ارب روپے تئیں پج گئے ۔وفاقی وزیر بازی غلام سرور خان دا قومی اسمبلی اچ موجودہ صورتحال تے بحث اچ اظہار خیال
مضمون کا ماخذ : کنگ کانگ روش
متعلقہ مضامین
