اسلام آباد ۔ 05اگست (اے پی پی) وزیر اعظم دے ترجمان و معاون خصوصی ندیم افضل چن آکھیے جو پاکستان کشمیریاں دے حق خود ارادیت دے حصول تئیں ہر سطح تے انہاں دی اخلاقی، سفارتی اتے سیاسی حمایت جاری رکھیسی۔سنوار کوں اے پی پی نال گال مہاڑ کریندے ہوئیں انہاں آکھیے جو بھارتی فوج کنٹرول لائن تے بے گناہ شہریاں تے ممنوعہ کلسٹر ہتھیار استعمال کریندی پئی اے جیں دا اقوام متحدہ تے بیاں عالمی طاقتاں کوں نوٹس گھننڑاں چاہیدے، او ڈینھ پرے کائنی جڈاں کشمیریاں دی جدو جہد آزادی رنگ گھن آسی ۔او آئی سی دا بھارتی ظلم دے خلاف کشمریاں دے نال اظہار یکجہتی پوری دنیا کیتے ہک پیغام اے ۔ندیم افضل چن آکھیے جوکشمیر دے جھیڑے دے حل کیتے عالمی برادری کوں وختی تے موثر کردار ادا کرنڑاں چاہیدے ۔
مضمون کا ماخذ : منی ٹرین 2
