اسلام آباد ۔ 9 نومبر (اے پی پی) وزیراعظم دے مشیر قومی تاریخ تے ادبی ورثہ عرفان صدیقی آکھیا ہے جو شاعر مشرق علامہ محمد اقبال دی شاعری توحید دا لافانی پیغام ہے جیں نال انسانی سوچ غلامی دی قید توں نجات پاتے خود ی دیاں اعلیٰ منزلاں طے کریندی ہے ۔ مفکر پاکستان دے پیغام کوں اپنڑی روح تے کردار اچ بساط کرنڑاں ہوسی ۔خمیس کوں قومی شاعر علامہ اقبال دے140 ویں یوم پیدائش تقریبات دے سلسلے اچ ایوان قائد اسلام آباد اچ علامہ اقبال دی نادرتصاویر دی نمائش دے افتتاح دے بعد میڈیا نال گالھ مہاڑ کریندے ہوئیں عرفان صدیقی آکھیا جو علامہ اقبال دی شاعری محض شاعری کائنی بلکہ حرکت تے عمل دا ابدی پیغام ہے ۔ علامہ اقبال خودی جدو جہداتے محبت دا پیغام ڈتا۔
مضمون کا ماخذ : اسرار ریلز
