اسلام آباد۔5نومبر (اے پی پی) نیشنل کمانڈ اینڈآپریشن سنٹر (این سی او سی) کورونا وائرس دے حوالے نال تازہ ترین اعداد وشمار جاری کرݙتن۔خمیس کوں این سی او سی توں جاری اعدادو شمار موجب گزریل 24 گھنٹے وچ 1 ہزار 302 لوکاں دے کووڈ۔19 ٹیسٹ مثبت آئے اتے 26 لوک وائرس پاروں جاں بحق تھئن جیں اچوں 22 بندے ہسپتالاں اچ اتے 4 مریض گھراں اچ قرنطینہ دے دوران جاں بحق تھن ۔گزریل 24گھنٹے دے دوران کووڈ۔19 دے 32 ہزار 376 ٹیسٹ کیتے ڳن جیں اچوں سندھ اچ 9 ہزار 531, پنجاب اچ 11 ہزار 873, خیبرپختونخوا اچ 2 ہزار 813, اسلام آباد اچ 6 ہزار 449, بلوچستان اچ 598,گلگت بلتستان اچ 405, آزاد کشمیر اچ 707 ٹیسٹ شامل ہن ۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 3 لکھ 16 ہزار 665 تھی ڳی اے ۔
مضمون کا ماخذ : melhores loterias do Brasil
