اسلام آباد ۔ 20 اگست (اے پی پی) وزیر اعظم عمران خان آکھیے جو حکومت لوکاں دی صحت عامہ دیاں چنگیاں سہولتاں سانگے چنگے کم کریندی پئی اے،خیبر پختونخوا دے ہرٹبر کوں صحت انصاف نال 10 لکھ روپے تئیں مفت علاج ملسی۔اے گالھ انہاں خیبر پختونخوا اچ ہر خاندان کوں صحت انصاف کارڈڈیونڑ دی تقریب نال خطاب اچ آکھی۔انہاں پروگرام تے مبارک ڈیندے آکھیے جڈاں غریباں کیتے کوئی وی کم تھیوے تاں اللہ اوندے اچ برکت پا ڈیندے،بیماری دے علاج تے بہوں ودھ پیسہ لگدے،غیرب خاندان ایندا بھار نئیں سہہ سگدے تہوں بکھ اتے غربت پاروں او غربت دی لکیرتوں وی تلے لگے ویندن،میں شوکت خانم کینسر ہسپتال وی عوام دی خدمت کیتے بنڑایا ہئی،صحت انصاف کارد نال غریب ٹبراں کوں سوکھ ملسی،کوشش اے جو پنجاب اتے بلوچستان اچ وی ہر خاندان کوں مفت علاج ملے،امید اے سندھ دی حکومت وی ایندے تے عمل کریسی۔وزیراعظم آکھیا جو اوقاف دی زمین تے ہسپتال اتے تعلیمی ادارے بنڑاونڑ کیتے سستی قیمت تے اراضی ڈیسوں،انہاں کارڈز دے اجرانال ڈیٹا بیس کٹھا کرنڑ اچ وی مدد ملسی،انہاں پیسے کوں خرچ کرنڑ دی مانیٹرنگ اتے ہیلتھ انشورنس اچ مدد ملسی،پاکستان کوں اسلامی فلاحی ریاست بنڑاونڑ دے مشن سانگے ڈینھ رات کوشش اے،کیوں جو سادے کیتے مدینے دی فلاحی ریاست بہترین نظام حکومت دا نمونہ اے،جیندے تے عمل کر تے کامیابی گھن سگدے ہیں۔
حکومت لوکاں دی صحت عامہ دیاں چنگیاں سہولتاں سانگے چنگے کم کریندی پئی اے،خیبر پختونخوا دے ہرٹبر کوں صحت انصاف نال 10 لکھ روپے تئیں مفت علاج ملسی،وزیر اعظم عمران خان دا خیبر پختونخوا اچ ”صحت انصاف کارڈ “دی تقریب نال خطاب
مضمون کا ماخذ : لوٹیریا کا اطلاق
متعلقہ مضامین
