اسلام آباد ۔ 09جنوری(اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان دا وزیر خارجہ شاہ محمود قریشی کوں ایران، سعودی عرب اتے امریکہ دا دورہ کرنڑ تے متعلقہ وزرائے خارجہ نال ملاقات دی ہدایت خطے اچ قیام امن تے کشیدگی مکاونڑ کیتے اساڈی متحرک سفارت کاری تے اقوام عالمی اچ ذمے وار جمہوری ریاست ہوونڑ دا ثبوت اے ۔خمیس کوں اپنڑے ٹویٹ اچ ڈاکٹر فردوس عاشق اعوان آکھیے جو پاکستان خطے اچ امن واستحکام دا داعی اے۔ وزیراعظم واضح کرڈتے جو پاکستانی کہیں نویں جنگ دا حصہ کائناں بنڑسی کیوں جو جنگ خطے تے دنیا دے مفاد اچ کائنی ۔مشرق وسطیٰ اچ امن نال خطے اتے دنیا اچ امن واستحکام دا رستہ ہموار تھیسی ۔پاکستان اسلامی دنیا اتے عالمی امن دے مفاد اچ اپنڑاں مثبت کردار ادا کریندا رہ ویسی ۔
مضمون کا ماخذ : راکی
