وزیراعظم پولیس کمپلیکس لائلپور ٹاؤن، کشمیر پل انڈر پاس اتے کیلیگرافی دی نمائش دا افتتاح کرݙتا

فیصل آباد۔18نومبر  (اے پی پی):وزیراعظم عمران خان بدھ دی ݙوپہر پولیس کمپلیکس لائلپور ٹاؤن، کشمیر پل انڈر پاس فیصل آباد اتے کیلیگرافی دی نمائش دا افتتاح کرݙتے ۔وزیراعظم ولوں مذکورہ منصوبہ جات دا افتتاح ہک مقامی ہوٹل اچ منعقدہ پروقار تقریب دے دوران کیتا ڳئے ۔ایں موقع تے وزیراعظم کوں ݙسایا ڳیا جو پولیس کمپلیکس لائلپور ٹاؤن فیصل آباد دی تعمیر 145.246ملین روپے دی لاگت نال 20 جنوری 2016 اچ شروع کیتی ڳئی اے جیں تے 95 فیصد توں ودھ کم پورا تھی چکے اتے اے منصوبہ 31 دسمبر 2020 تئیں مکمل تھیسی ۔وزیر اعظم کوں ݙسایا ڳیا جو کشمیر پل انڈر پاس کینال روڈ فیصل آباد دا منصوبہ 1280.209 ملین روپے دی لاگت نال 20 مارچ 2018 کوں نیشنل لاجسٹک سیل دے ذریعے شروع کیتا ڳے جیں دا 85 فیصد توں ودھ کم پورا کرڳھدا ڳے اتے باقی کم 31 دسمبر 2020 تئیں مکمل کرتے اینکوں ہر قسم دی ٹریفک کیتے کھول ݙتا ویسی جیں نال شہریاں کوں سگنل فری کینال روڈ توں ایکسپریس وے اتے موٹر وے تئیں رسائی اچ انتہائی سوکھ تھیسی ۔بعداچ وزیر اعظم ہفتہ شانِ رحمت اللعالمینؐ دے سلسلے اچ ملک دے نامور مصوراں محمد قمر سلطان اتے  نثار احمد دے کیلیگرافی دے فن پاروں دی نمائش دا افتتاح وی کیتا۔کیلیگرافی نمائش اچ وݙی تعداد اچ قر آنی خطاطی سودھے نادر و نایاب فن پارے نمائش کیتے رکھیے ڳئن ۔ایں موقع تے وزیر اعظم مذکورہ فن پاریں دے تخلیق کار مصوراں کوں شاندار الفاظ اچ خراج تحسین پیش کیتا۔تقریبات دے دوران گورنرپنجاب چوہدری محمد سرور، وزیر اعلیٰ پنجاب سردار عثمان بزدار،وفاقی وزرا اسد عمر، حماد اظہر،چیف سیکرٹری جواد رفیق ملک، انسپکٹر جنرل پولیس پنجاب انعام غنی،صوبائی وزیر صنعت میاں اسلم اقبال، صوبائی وزیر پبلک پراسیکیوشن چوہدری ظہیرالدین خان،صوبائی وزیر وزیر اعلیٰ معائنہ ٹیم پنجاب محمد اجمل چیمہ، صوبائی وزیر ایکسائز اینڈ ٹیکسیشن اینڈ نارکوٹکس کنٹرول حافظ ممتاز احمد،وفاقی و صوبائی وزرا،پارلیمانی سیکرٹری ریلوے میاں فرخ حبیب،چیئرمین قومی اسمبلی قائمہ کمیٹی خزانہ فیض اللہ کموکا،ایم این اے شیخ خرم شہزاد،ممبران قومی اسمبلی راجہ ریاض،نواب شیر وسیر،چیئرمین ایف ڈی اے و ایم پی اے لطیف نذر،چیئرمین پی ایچ اے و ایم پی اے میاں وارث عزیز، پارلیمانی سیکرٹری لیبر میاں شکیل شاہد،ممبران صوبائی اسمبلی میاں خیال کاسترو،فردوس ،علی اختر،عادل پرویز گجر،عمر فاروق، کمشنر فیصل آباد ڈویژن ثاقب منان، ریجنل پولیس آفیسررفعت مختار راجہ، ڈپٹی کمشنر فیصل آبادمحمد علی، سی پی او محمد سہیل چوہدری اتے بئے اہم لوک وی موجود ہن ۔