اسلام آباد۔5نومبر (اے پی پی) وزیر خارجہ مخدوم شاہ محمود قریشی آکھیے جو مسئلہ کشمیر اساݙی خارجہ پالیسی دا اہم ستون اے ،پاکستان کشمیریاں دے جائز حق، حق خود ارادیت دے حصول تئیں انہاں دی اخلاقی، سفارتی اتے سیاسی معاونت جاری رکھیسی ،اے ڳال انھاں جموں و کشمیر تحریک حق خود ارادیت انٹر نیشنل دے چیئرمین راجہ نجابت حسین نال ڳال کریندے ہوئیں آکھی اے ۔جنہاں خمیس کوں وزارتِ خارجہ اچ انہاں نال ملاقات کیتی ۔ملاقات وچ مقبوضہ جموں و کشمیر اچ جاری انسانی حقوق دیاں سنگین خلاف ورزیاں اتے خطے اچ امن و استحکام کوں پیش آندے خطرے دے حوالے نال ڳال مھاڑ کیتی ڳی ۔وزیر خارجہ آکھیا جو مسئلہ کشمیر اساݙی خارجہ پالیسی دا اہم ستون اے.نہتے کشمیریاں تے کیتے ونڄݨ آلے ظلم کوں عالمی سطح تے نشابر کرݨ دے حوالے نال ٻاہرلے ملک رہݨ آلے پاکستانیاں تے کشمیریاں دی خدمات قابل تحسین ہن۔ شاہ محمود قریشی آکھیے جو 5 اگست 2019 دے یکطرفہ اتےغیر قانونی اقدامات کوں ساری کشمیری مسترد کرچکن ۔کشمیریاں دی آواز کوں دٻاوݨ کیتے بھارتی قابض فوج ولوں نہتے کشمیریاں تے ظلم دے پہاڑ بھنیے ویندے پئن ۔پاکستان، کشمیریاں دی آواز کوں مسلسل، اقوام متحدہ، یورپین یونین، انسانی حقوق دے اداریں ، او آئی سی، سودھے اہم عالمی فورمز تے چاتی کھڑے ۔پاکستان، کشمیریاں دے جائز حق، حق خود ارادیت گھنݨ تئیں انہاں دی اخلاقی، سفارتی اتے سیاسی معاونت جاری رکھیسی ۔
پاکستان حق خود ارادیت دے حصول تئیں کشمیریاں دی اخلاقی، سفارتی اتے سیاسی معاونت جاری رکھیسی ، مخدوم شاہ محمود قریشی
مضمون کا ماخذ : jogos de raspadinha
متعلقہ مضامین
