اسلام آباد ۔ 26 اگست (اے پی پی) وزیراعظم عمران خان آکھیے جو معاشرے دے کمزور اتے غربت دے شکارلوکاں دی لوڑھ پوری کرنڑ ساڈی ذمہ واری اے،سبسڈی نظام کوں موثر، شفاف اتے اہداف دے مطابق بنڑایا ویسی،کوشش اے جو سرکاری خزانے دے پیسے دا بہترین استعمال تھیوے۔اے گالھ انہاں اسلام آباد اچ غریب اتے گھٹ آمدنی آلے لوکاں کوں ضرورت دیاں شئیں ڈیونڑ سانگے حکومتی سبسڈی دے نظام کوں موثر بنڑاونڑ بارے جائزہ اجلاس دی صدارت کریندے آکھی۔اجلاس اچ معاونِ خصوصی برائے سماجی تحفظ ڈاکٹر ثانیہ نشتر، سیکرٹری خزانہ، چیئرمین نادرا تے بئے سینئر افسران شریک ہن۔ وزیرِاعظم عمران خان آکھیا جو اگیں سبسڈی دے نظام اچ خامیاں دور کرنڑ تے کوئی توجہ نئیں ڈتی گئی،جیندے نال او لوک وی انہاں وسائل توں فیدہ چیندے رہین جیڑھے ایندے مستحق کائنا ہن۔انہاں معاون خصوصی برائے سماجی تحفظ، سیکرٹری خزانہ، یوٹیلیٹی سٹورز کارپوریشن کوں ہدایت کیتی جو او کمزور اتے غربت دے شکارلوکاں دی لوڑھ پوری کرنڑسانگے اہدافی سبسڈی بارے تجویزاں کوں چھیکڑی شکل ڈیون۔
معاشرے دے کمزوراتے غریب طبقات دی بھلائی ساڈی ترجیح اے،سبسڈی نظام کوں موثر، شفاف اتے اہداف دے مطابق بنڑایا ویسی،وزیراعظم عمران خان دا اجلاس نال خطاب
مضمون کا ماخذ : تھنڈرسٹرک II
متعلقہ مضامین
