اسلام آباد ۔ 3 مارچ (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو ملک اچ ہنڑ تئیں کورونا وائرس دے 5 کیسز رجسٹرڈ تھن ‘ ایمر جنسی کور گروپ صورتحال دی ہر ویلھے مانیٹرنگ کریندا پئے ‘سارے ضروری اقدامات کوں ہنگامی طور تے یقینی بنڑیندے پیوں ‘ کورونا وائرس نال نبڑنڑ کیتے سارے متعلقہ اداریں تے صوبیں کوں کردار ادا کرنڑاں ہوسی ‘ صورتحال تے نظر رکھی پیوں ڈرنڑ دی ضرورت کائنی ،عوام دی بھلائی تے تحفظ کیتے ہنگامی بنیاداں تے کم کریندے پیوں ۔اے گال انہاںکورونا وائرس توں بچنڑ کیتے ایمرجنسی کور گروپ دے اجلاس دی صدارت کریندے ہوئیں آکھی اے ۔اجلاس اچ ایگزیکٹو ڈائریکٹر قومی ادارہ صحت، پاک فوج دے نمائندے تے بئے ماہرین شرکت کیتی تے بدلدی صورت حال دا تفصیلی جائزہ گھدا گیا ۔ڈاکٹر ظفر مرزا آکھیے جو ایمر جنسی کور گروپ صورتحال دی ہر ویلھے مانیٹرنگ کریندا پئے ،سارے ضروری اقدامات کوں ہنگامی طور تے یقینی بنڑیندے پیوں ،کورونا وائرس نال نبڑنڑ کیتے سارے متعلقہ اداریں تے صوبیں کوں کردار ادا کرنڑاں ہوسی ۔انہاں آکھیے جو صورت حال تے نظر رکھی پیوں ۔معاون خصوصی صحت آکھیے جو عوام حفظان صحت دے اصولاں کوں سامنڑے رکھیندے ہوئیں احتیاطی تدابیر اختیار کرن‘ملک اچ ہنڑ تئیں صرف پنج کیس رپورٹ تھن ،۔ڈاکٹر ظفر مرزا آکھیے جو چمن دی جاہ تے پاک افغان بارڈر ست ڈینھ کیتے بند اے ،چمن بارڈر تے سکریننگ دے نظام کوں مزید موثر تے مضبوط بنڑایا ویندا پئے ،انہاں آکھیے جو سارے ہوائی اڈیں تے زمینی رستیں تے سکریننگ کیتی ویندی پئی اے ۔
ملک اچ کورونا وائرس دے 5 کیس رجسٹر تھن ‘ ایمر جنسی کورگروپ صورتحال دی مانیٹرنگ کریندا پئے،ڈرنڑ دی ضرورت کائنی ، ڈاکٹر ظفر مرزا دا کورونا وائرس توں بچنڑ کیتے ایمرجنسی کور گروپ دے اجلاس نال خطاب
مضمون کا ماخذ : کنگ میکر
متعلقہ مضامین
