لاہور۔27نومبر(اے پی پی)وزیراعلیٰ آفس لاہوراچ انسداد پولیو مہم بارے خصوصی تقریب تھئی۔ وزیراعلیٰ پنجاب سردار عثمان بزدار بالیں کوں انسداد پولیو ویکسین دے قطرے پلوائے۔ انہاں دا آکھݨ ہا جو پنجاب اچ 5 روزہ انسداد پولیو دی خصوصی مہم دا آغاز 30 نومبر توں تھیسی۔ 4 دسمبر تئیں جاری رہݨ آلی مہم اچ 2 کروڑ بالیں کوں انسداد پولیو ویکسین دے قطرے پلاوݨ دا ہدف مقرر کیتا ڳئے۔ انسداد پولیو مہم اچ ہک لکھ 20 ہزار توں ودھ پولیو ورکرز حصہ ڳھنسن اتے انشاء اللہ ایں مہم وچال 100 فیصد ویکسینیشن دا ہدف پورا کریسوں۔انہاں آکھیے جو پولیو دے خاتمے کیتے مہم ٻہوں اہمیت دی رکھدی اے۔ ضلع، تحصیل اتے تلویں سطح تے پولیو ورکرز دی صحت دے تحفظ کیتے ایس او پیز موجب حفاظتی اقدامات تے عملدرآمد یقینی بݨایا گئے۔ سارے اضلاع اچ متعلقہ وزراء اتے ارکان پارلیمنٹ وی انسداد پولیو مہم اچ شامل تھیسن اتے ضلعی اتے تحصیل انتظامیہ انسداد پولیو مہم دی مانیٹرنگ کریسی۔
پنجاب اچ انسداد پولیو مہم بارے خصوصی تقریب، وزیراعلیٰ پنجاب ٻالیں کوں قطرے پلوائے
مضمون کا ماخذ : اسلام آباد لاٹری
متعلقہ مضامین
