اسلام آباد ۔ 27 اگست (اے پی پی) وزیراعظم دی معاون خصوصی سماجی تحفظ و تخفیف غربت ڈاکٹر ثانیہ نشتر آکھیے جو احساس قومی سماجی و معاشی رجسٹری دا سروے ملک دے مختلف ضلعیں اچ جاری اے ۔آپنڑے بیان اچ ڈاکٹرثانیہ نشتر آکھیے جو کمپیوٹرائزڈ طریقے نال گھرانڑیں دی سطح تے سماجی اتے معاشی اعدادوشمار کٹھے کیتے ویندے پن ۔جدید طریقہ کار توں غریب گھرانڑیں دی درست نشاندہی کرنڑ ممکن ہوسی۔ خیبر پختونخوا اچ احساس سروے دا باقاعدہ آغاز کرک اتے مالاکنڈ توں کرڈتا گئے ۔احساس دے ماسٹر ٹرینراساتذہ دی فیلڈ اچ سروے ٹریننگ کرویندے پیوں ۔ڈوجھے صوبیں پنجاب اتے سندھ دے کجھ ضلعیں اچ سروے مرحلہ واری جاری اے ۔صوبہ بلوچستان اچ بہوں وختی اِحساس رجسٹریشن ڈیسک دا ولا آغاز کرڈتا ویسی ۔کورونا وائرس دی وبا دی صورتِ حال پاروں 31 اگست دے بعد ملک دے 15 ضلعیں اچ تحصیل دی سطح تے احساس رجسٹریشن ڈیسک ولا کھول ڈتے ویسن ۔15ستمبر دے بعد ملک دے بئے 60 ضلعیں اچ رجسٹریشن شروع تھی ویسی ۔
احساس قومی سماجی و معاشی رجسٹری دا سروے مختلف ضلعیں اچ جاری اے ، ڈاکٹر ثانیہ نشتر
مضمون کا ماخذ : ماہی گیری کا جنون
متعلقہ مضامین
