اسلام آباد ۔ 20 اگست (اے پی پی) شیخ رشید احمد سنوار کوں وفاقی وزیر ریلوے دا قلمدان سنبھال گھدا۔ انہاں کوں وزارت ریلوے اچ پاکستان ریلوے بارے بریفنگ ڈتی گی ۔شیخ رشید آکھیا جو پاکستان ریلوے اچ کوئی سیاسی مداخلت برداشت کائناں کیتی ویسی ۔وفاقی وزیر ریلوے آکھیا جو ریلوے کوں جدت پسندی نال تبدیل کیتا ونج سگدے ۔انہاں مال بردار ریل گاڈیاں دی تعداد ڈبل کرنڑ دی ہدایات وی کر ڈتی ۔وزیر ریلوے واضح کیتا جو کیرج فیکٹری اسلام آباد کوں بہتر بنڑایا ویسی، مالی خسارے دی پشت تے موجود ساری وجوہات دا تفصیلی جائزہ گھدا ویسی ۔ انہاں رسا لپور لوکو موٹو فیکٹری، خراب لوکوموٹویز اتے کوئٹہ۔ تفتان سیکشن بارے اچ وضاحت منگ گھدی۔ ایندے علاوہ پاکستان ریلوے کو ںسرمایہ کاری سانگے رستے ہموار کرنڑ دی ضرورت اے ۔ وزیر ریلوے شیخ رشید احمد واضح کیتا جو پاکستان ریلوے اچ ہر سطح تے بدعنوانی دا خاتمہ کیتا ویسی ۔ وزیر ریلوے سکھر ڈویژن کوں پہلی ترجیح قرارت ڈتا ۔ وفاقی وزیر کوں ڈتی ونجنڑ آلی بریفنگ اچ چیئرمین وزارت ریلوے جاوید انور، سی ای او آفتاب اکبر، ایس پی پاکستان ریلوے پولیس راجہ ظہیر، سیکرٹری ریلوے بورڈ فرخ تیمورغنری، ڈی جی ٹیکنیکل منور علی شاہ اتے ڈی جی آپریشنز مریم گیلانی وی شریک تھئے ۔
ریلوے اچ ہر سطح تے بدعنوانی دا خاتمہ کیتا ویسی،وفاقی وزیر ریلوے شیخ رشید احمد دی قلمدان سنبھالنڑ دے بعد وزارت اچ بریفنگ دے موقع تے گال مہاڑ
مضمون کا ماخذ : نتیجہ ڈوپلا سینا
متعلقہ مضامین
